Como chegar

O Concello de Cerceda está situado ao noroeste de Galicia, na provincia da Coruña.


Pertencente á Comarca de Ordes, atópase nunha área de transición entre As Mariñas, Bergantiños e Ordes. Limita ao norte cos municipios da Laracha e Culleredo, ao sur con Ordes e Tordoia, ao leste con Carral e ao oeste con Carballo.


O concello atópase a 50 quilómetros de Santiago de Compostela e a 30 da Coruña, as dúas cidades importantes máis achegadas.

 

En coche

A principal vía de comunicación e acceso a Cerceda é a estrada AC-400, que vai dende Sigrás ata Muros, atravesando o casco urbano.


Dende A Coruña o traxecto máis rápido e cómodo é a través da Autovía do Noroeste, tomando a saída Culleredo-Ledoño e enlazando coa estrada AC-523 para, posteriormente, acceder á AC-400 en dirección a Cerceda.


Dende Santiago de Compostela a mellor opción é a autoestrada do Atlántico AP-9 en dirección A Coruña-Pontevedra, continuando pola estrada N-550 en dirección a Ordes e, posteriormente, tomar a AC-524. Logo de atravesar Ordes, continuar pola N-550 ata Mesón do Vento e, ao chegar ao casco urbano, coller en dirección a Cerceda.


No caso de usar o GPS hai que ter en conta que nalgunhas cartografías non aparece Cerceda como destino. Nese caso débese seleccionar Antemil (Cerceda). As súas coordenadas xeográficas son as seguintes: 43º11'25''N 8º28'23''W.

En tren

A liña de tren rexional que une A Coruña con Santiago de Compostela atravesa o municipio de Cerceda realizando paradas en Meirama, Vila da Igrexa e Cerceda. Pódese obter máis información sobre este servizo na páxina web oficial de RENFE ou no teléfono 902 24 02 02.

En autobús

A compañía ASICASA ofrece un servizo regular de autobuses que conectan A Coruña con Cerceda. Pódese obter máis información no teléfono 981 23 12 34.

En avión

Cerceda atópase preto dos enlaces da autoestrada do Atlántico e da autovía do Noroeste, situándose a menos de media hora de distancia dos aeroportos de Alvedro e Lavacolla. Pódese obter información das conexións que ofrecen as distintas liñas aéreas no portal de Aeroportos Españois e Navegación Aérea -AENA-

O Concello de Cerceda está situado ao noroeste de Galicia, na provincia da Coruña.

Pertencente á Comarca de Ordes, atópase nunha área de transición entre As Mariñas, Bergantiños e Ordes. Limita ao norte cos municipios da Laracha e Culleredo, ao sur con Ordes e Tordoia, ao leste con Carral e ao oeste con Carballo.


O concello atópase a 50 quilómetros de Santiago de Compostela e a 30 da Coruña, as dúas cidades importantes máis achegadas.

 

En coche

A principal vía de comunicación e acceso a Cerceda é a estrada AC-400, que vai dende Sigrás ata Muros, atravesando o casco urbano.


Dende A Coruña o traxecto máis rápido e cómodo é a través da Autovía do Noroeste, tomando a saída Culleredo-Ledoño e enlazando coa estrada AC-523 para, posteriormente, acceder á AC-400 en dirección a Cerceda.


Dende Santiago de Compostela a mellor opción é a autoestrada do Atlántico AP-9 en dirección A Coruña-Pontevedra, continuando pola estrada N-550 en dirección a Ordes e, posteriormente, tomar a AC-524. Logo de atravesar Ordes, continuar pola N-550 ata Mesón do Vento e, ao chegar ao casco urbano, coller en dirección a Cerceda.


No caso de usar o GPS hai que ter en conta que nalgunhas cartografías non aparece Cerceda como destino. Nese caso débese seleccionar Antemil (Cerceda). As súas coordenadas xeográficas son as seguintes: 43º11'25''N 8º28'23''W.

En tren

A liña de tren rexional que une A Coruña con Santiago de Compostela atravesa o municipio de Cerceda realizando paradas en Meirama, Vila da Igrexa e Cerceda. Pódese obter máis información sobre este servizo na páxina web oficial de RENFE ou no teléfono 902 24 02 02.

En autobús

A compañía ASICASA ofrece un servizo regular de autobuses que conectan A Coruña con Cerceda. Pódese obter máis información no teléfono 981 23 12 34.

En avión

Cerceda atópase preto dos enlaces da autoestrada do Atlántico e da autovía do Noroeste, situándose a menos de media hora de distancia dos aeroportos de Alvedro e Lavacolla. Pódese obter información das conexións que ofrecen as distintas liñas aéreas no portal de Aeroportos Españois e Navegación Aérea -AENA-

Utilizamos cookies propias e de terceiros para proporcionar os nosos servizos e realizar análise de uso e de medición de nosa web. Se continúa navegando, consideramos que acepta o seu uso.

Pode consultar máis información aquí.

Entendín