Xuventude

Campaña de Verán 2017: apertura do prazo de solicitude campamentos da Xunta

A Consellería de Política Social, a través da Dirección Xeral de Xuventude, Participación e Voluntariado, convoca a Campaña de Verán 2017: campamentos en Galicia e noutras Comunidades Autónomas.

Inscricións:

Ata o 02/05/2017

Horario:

Quendas de entre unha semana e quince días durante os meses de xullo e agosto. A incorporación aos campamentos e albergues de Galicia será por conta da persoa interesada o día de inicio da quenda correspondente, entre as 16:00 e as 19:00 horas. Non se admitirá ningún/ningunha participante despois deste límite.

Precio:

Variable según actividade (ver anexo da convocatoria)  *descontos: 50% para membros de familia numerosa e 25% para usuarios do carné xove

Requisitos:

  • Mozos/as galegos/as residentes en Galicia, con idades comprendidas entre os 9 e os 17 anos: os/as nacidos/as no ano 1999 non poderán cumprir 18 anos antes da finalización do campamento, e os/as nacidos/as no ano 2008 deberán ter cumpridos 9 anos ao inicio do campamento.
  • Persoas con discapacidade igual ou superior ao 33%, que non teñan necesidade de axuda de unha terceira persoa, teñan capacidade de integración nun grupo e que as súas limitacións e/ou necesidades especiais lles permitan participar e beneficiarse das actividades.
  • Non padecer enfermidade transmisible con risco de contaxio nin trastorno de conduta e/ou de comportamento que dificulte a convivencia

Página web:

http://xuventude.xunta.es Servizos ofertados: 
  • Programa de actividades de carácter sociocultural, recreativo, formativo e convivencial.
  • Aloxamento en albergue xuvenil, residencia xuvenil ou campamento xuvenil.
  • Manutención en réxime de pensión completa.
  • Material necesario para a actividade. 
  • Persoal especializado en animación sociocultural e actividades de tempo libre e actividades náuticas, de ser o caso. Para o caso das persoas con necesidades especiais por razón da súa discapacidade, disporase de persoal de apoio con formación e experiencia.
  • Atención sanitaria de primeiros auxilios e seguro de accidentes.
  • Nas actividades noutras comunidades autónomas inclúese o transporte desde Santiago de Compostela, ou lugar de saída, ata o lugar de destino, así como o retorno. 
SOLICITUDES: deberán presentarse preferiblemente por vía electrónica a través dos formulario normalizados dispoñibles na sede electrónica https://sede.xunta.gal. Opcionalmente, tamén se poderán presentar as solicitudes en soporte papel en calquera dos lugares e rexistros establecidos nos artigos 14.1 e 16.4 da Lei 39/2015, do 1 de outubro, do procedemento administrativo común das administracións públicas.
  1. Procedemento Xeral: a solicitude pode ser individual (procedemento BS303A) ou múltiple (procedemento BS303F), para o caso de irmáns/ás que queiran ir ao mesmo campamento 
  2. Procedemento de prazas reservadas para inclusión de persoas con discapacidade: a solicitude pode ser individual (procedemento BS303G) ou múltiple (procedemento BS303H)
Os/as mozos/as galegos/as con discapacidade teñen a oportunidade de decidir sobre a modalidade de participación pola que desexan optar: polo procedemento xeral (poderán elixir exclusivamente as actividades detalladas no anexo da convocatoria) ou polo procedemento das prazas reservadas de inclusión

Utilizamos cookies propias e de terceiros para proporcionar os nosos servizos e realizar análise de uso e de medición de nosa web. Se continúa navegando, consideramos que acepta o seu uso.

Pode consultar máis información aquí.

Entendín