Avisos
ABERTO O PRAZO DE SOLICITUDE
Axudas periódicas de apoio para as vitimas de violencia de xénero
05/04/2013
O Diario Oficial de Galicia, núm. 66 de 05/04/2013, publica a Orde do 2 de abril de 2013 pola que se regulan as bases para a concesión das axudas periódicas de apoio a mulleres que sofren violencia de xénero e se procede á súa convocatoria para o ano 2013.
Máis información: no Departamento de Servizos Sociais do Concello de Cerceda. T 981686068
PUBLICACIÓN LISTAXE PROVISIONAL
Publícase a listaxe provisional do alumnado admitido na Escola Infantil municipal. Curso 2013 - 2014
20/05/2013
Rematado o prazo de presentación de solicitudes de ingreso na Escola Infantil “Os Pillabáns”, e reunida a Comisión de Baremación, de Coordinación e de Seguimento, en data do 15 de maio, a concelleira delegada de Servizos Sociais, Igualdade e Educación, María Viqueira Iglesias, aprobou a proposta da listaxe provisional do alumnado admitido e de prazas dispoñibles na escola infantil municipal Os Pillabáns para o curso 2013-2014
As persoas solicitantes que o desexen, de acordo co artigo 14 do Regulamento da escola infantil municipal, disporán dun prazo de 10 días naturais que contarán dende a data de publicación da relación provisional, para efectuar as reclamacións debidamente documentadas que estimen oportunas. Estas reclamacións entenderanse resoltas coa publicación da listaxe definitiva.
