Parroquias
O Concello de Cerceda está composto por seis parroquias: Meirama, As Encrobas e Cerceda son as parroquias setentrionais e oriéntanse cara as comarcas da Coruña e Bergantiños. No entanto, as parroquias de Rodís, Queixas e Xesteda espállanse contra o sur do termo municipal, inseridas entre as terras da comarca de Ordes.
Os principais núcleos de poboación están na aldea da Silva, pertencente a Rodís, e mais na do Campo da Feira, na parroquia de Cerceda. A segunda é ademais a capital municipal, albergando a Casa do Concello e algúns dos principais equipamentos.
