Concello de Cerceda

As dependencias municipais permanecerán pechadas pola festividade de Santa Rita

Tue, 21 May 2013 00:00:00 +0200

Con motivo da festividade de Santa Rita, patrona da Administración Local, as oficinas xerais do Concello de Cerceda permanecerán pechadas durante a xornada do mércores 22 de maio.

Charla Día da Saúde Integral da Muller "Cancro de mama"

Thu, 16 May 2013 00:00:00 +0200

O próximo xoves, 23 de maio, a área de Servizos Sociais do Concello de Cerceda organiza unha charla sobre a saúde integral das mulleres en colaboración coa Asociación de profesionais da saúde de Cerceda (APROSACE). Nela abordarase a realidade da enfermidade do cancro de mama: a súa detención temperá e as repercusións no ámbito familiar e social da muller. Xoves 23 de maio, ás 20.00 horas, na Biblioteca de Cerceda

O Son das Aulas 2013

Mon, 20 May 2013 00:00:00 +0200

Este sábado, 25 de maio ás 20.00 horas, o alumnado da Escola de baile e música do Concello de Cerceda presentará, no Auditorio municipal, o aprendido durante este curso. O espectáculo incluirá as actuacións de canto, piano, taller de baile e batería

Convocatoria de axudas do Concello de Cerceda para a compra de libros de texto, material escolar e vestiario para o curso 2013-14

Mon, 20 May 2013 00:00:00 +0200

O prazo de presentación das solicitudes será dende o 15 de maio ata o 28 de xuño e deberán presentarse no Rexistro Xeral do Concello coa documentación correspondente.

Convocatoria subvencións municipais ás entidades culturais e deportivas 2013

Mon, 20 May 2013 00:00:00 +0200

O Boletín Oficial da Provincia número 91, de 14/05/2013, publica a convocatoria das bases de subvencións ás entidades e deportistas non profesionais para a realización de actividades culturais e deportivas para o ano 2013. O prazo de solicitude permanecerá aberto ata o 13 de xuño

Publícase a listaxe provisional do alumnado admitido na Escola Infantil municipal. Curso 2013 - 2014

Wed, 15 May 2013 00:00:00 +0200

Rematado o prazo de presentación de solicitudes de ingreso na Escola Infantil “Os Pillabáns”, e reunida a Comisión de Baremación, de Coordinación e de Seguimento, en data do 15 de maio, a concelleira delegada de Servizos Sociais, Igualdade e Educación, María Viqueira Iglesias, aprobou a proposta da listaxe provisional do alumnado admitido e de prazas dispoñibles na escola infantil municipal Os Pillabáns para o curso 2013-2014