En cumprimento do Plan galego de estatística 2022-2026 (Lei 16/2021, do 20 de decembro, DOG nº 249 do 29 de decembro de 2021) este Instituto está a realizar a operación estatística “Enquisa estrutural a fogares”. A enquisa diríxese a 9.216 vivendas repartidas por todo o territorio galego. O motivo desta carta é informalos de que no deseño mostral da enquisa figuran vivendas pertencentes ao seu concello, as cales serán visitadas entre o 2 de xuño e o 22 de xuño (período de enquisación da enquisa nese concello) por persoal enquisador debidamente acreditado para cubrir un cuestionario estatístico .../...
Bases reguladoras das axudas económicas de apoio á natalidade anualidade 2025
Con data 14 de maio de 2025 a Concelleira Delegada aprobou a listaxe proviosional da concesión de prazas da Escola Infantil Municipal Os Pillabáns, asi como a listaxe de agarda, para o curso 2025/2026 .../...
>>> Ver ou descargar documento completo (pdf. 83k)
O Concello de Cerceda vén de presentar esta mañá unha nova edición do Torneo de Fútbol Base, que se celebrará o vindeiro fin de semana, os días 24 e 25 de maio, nas instalacións do complexo deportivo do Roxo. A cita consolídase como unha das máis destacadas do deporte base na comarca, e faino cun importante crecemento respecto ao ano pasado: pasarase dos 40 equipos e 650 participantes de 2024 a 52 equipos e preto de 1.000 nenos e nenas nesta edición.
Durante a rolda de prensa, na que participaron o alcalde de Cerceda Juan Manuel Rodríguez, o edil de Deportes, Óscar Golán, o director das escolas deportivas municipais Alberto Pallas, e o presidente do Atlético Cercedense, Gabriel Bello, destacouse o éxito da convocatoria e o traballo conxunto entre o Concello e os clubs para fomentar o deporte base.
Deste xeito, participarán ata 18 clubs diferentes: CA Cercedense, SDC Ordes, ED O Dolmen, UD Carral, UD Paiosaco, Atlético Arteixo, SE Abella, Sporting Cambre, UD Coristanco, Xuventude Laracha, Trazo CF, Resmón CF, San Tirso, Sporting Coruñés, Sporting Burgo, Portazgo SD, SD Dubra e SD Sofán.
Como novidade salientable, este ano ampliáronse as categorías participantes, que irán desde prebenxamín ata cadete, coa incorporación das categorías infantil e cadete por primeira vez. O torneo disputarase de xeito ininterrompido de 10:00 a 20:00 horas aproximadamente durante toda a fin de semana, convertendo os campos do Roxo nun espazo de encontro e convivencia para centos de familias, xogadores e adestradores de toda a contorna.
Dende o Concello de Cerceda queremos agradecer o esforzo de todas as persoas implicadas na organización e desexar moita sorte a todos os equipos participantes, convencidos de que esta edición será un novo éxito de participación e deportividade.
Con data 14 de maio de 2025 a Concelleira Delegada aprobou a listaxe proviosional da concesión de prazas da Escola Infantil Municipal Os Pillabáns, a´si como a listaxe de agarda, para o curso 2025/2026. Infórmase que se concede un prazo de 10 días hábiles, dende o seguinte á publicación. para a presentación de alegacións ou reclamacións. No caso de non presentarse ningunha no citado prazo, entenderase aceptada a proposta de concesión, que adquirirá carácter definitivo .../...
>>> Ver ou descargar documento completo (pdf, 223K)
O Concello de Cerceda culminou a construción da nova senda peonil e ciclista que conecta os núcleos de Ribasoutas e Xermar, ao longo da estrada AC-400, nun itinerario de case dous quilómetros deseñado para mellorar a seguridade viaria e fomentar os desprazamentos sostibles dentro do municipio. Esta nova infraestrutura foi inaugurada hoxe co gallo dunha visita institucional encabezada polo alcalde de Cerceda, Juan Manuel Rodríguez, e polo delegado do Goberno en Galicia, Pedro Blanco.
A obra, que contou cun orzamento de aproximadamente 754.000 euros, foi financiada a través do programa DUS 5000 do Instituto para a Diversificación e Aforro da Enerxía (IDAE), pertencente ao Plan de Recuperación, Transformación e Resiliencia. Trátase da actuación máis relevante en materia de mobilidade peonil acometida polo goberno local neste mandato, tanto pola súa envergadura como polo seu impacto directo na calidade de vida dos habitantes da zona.
O itinerario, de 1.835 metros de lonxitude e dous metros de ancho, discorre pola marxe esquerda da AC-400 e inclúe unha pasarela peonil pilotada de 595 metros, cunha altura máxima de tres metros. A pasarela está equipada con varandas de madeira de cen centímetros en ambos laterais, garantindo así a seguridade dos peóns e ciclistas que a empreguen. Ademais, ao longo de todo o percorrido habilitouse unha rede de recollida de augas pluviais con cincuenta pozos de rexistro e instalouse un tubo para a futura canalización do alumeado público. A actuación completouse coa construción dun muro de pedra de granito de 307 metros de lonxitude, que permite estabilizar o terreo e mellorar a integración paisaxística da senda no contorno natural.
A nova infraestrutura supón un salto cualitativo na estratexia municipal de fomento da mobilidade sostible. Nos últimos anos, o Concello de Cerceda vén desenvolvendo múltiples actuacións para promover desprazamentos a pé seguros entre os diferentes núcleos do municipio, favorecendo así a conectividade, reducindo a dependencia do vehículo privado e mellorando a cohesión territorial.
O rexedor cercedense destacou que “esta senda de Xermar recibe un financiamento do IDAE de máis de 600.000 euros. Conecta a que xa se executara en San Vicenzo e outra en Ribasoutas”. Con estas actuacións estase a lograr unha interconexión peonil “moi importante”. Ademais, esta é xa a sexta senda peonil financiada no concello por parte do IDAE.
Juan Manuel Rodríguez lembrou outras actuacións que o Goberno de España está a desenvolver en Cerceda, que suman investimentos por valor de máis de 25 millóns de euros que afectan a eidos como a mobilidade, obras de rehabilitación ou impulso á industria verde.
Por último, agradeceu ao delegado todo o apoio que o Goberno lle está a brindar a Cerceda tanto en materia de financiamento como en materia de transición xusta.
Pola súa banda, Pedro Blanco afirmou que “Cerceda é un deses concellos que está aproveitar de mellor maneira os fondos do plan de recuperación”. A intención do Goberno é “darlle unha nova vida industrial a Cerceda e, ao mesmo tempo, facelo un lugar máis habitable e amable”.
O Concello de Cerceda está a facer unha enquisa para o estudo das necesidades de transporte a centros educativos de bacharelato e ciclos formativos medio e superior, esta equisa poderá realizarse ata o 30 de abril.
O Concello de Cerceda presentou esta mañá a cuarta edición da proba deportiva Poseidon Race organizada polo club local OCR Cerceda en colaboración coa Administración local. Esta proba deportiva consiste nunha carreira de obstáculos que terá lugar o 31 de maio no Aquapark cercedense e as súas inmediacións.
A proba deuse a coñecer hoxe no salón de plenos da Casa do Concello e no acto interviñeron o alcalde de Cerceda, Juan Manuel Rodríguez; o concelleiro de Deportes, Óscar Golán e Álvaro Sánchez e Carlos Abal, do club OCR Cerceda.
A carreira contará coas categorías Elite, Starter, Parellas e Popular. A principal novidade deste ano é a celebración do Poseidon Cross Solidario a favor de ACEM, a Asociación Coruñesa de Esclerose Múltple.
A primeira terá un percorrido de 10 quilómetros e 60 obstáculos, namentres que as restantes será de 8 quilómetros. O número total de obstáculos serán de 50 para a quenda Starter e 45 para a Popular. Serán, como de costume, probas de suspensión, forza, equilibrio, puntería e axilidade.
A primeira categoría que tomará a saída será a Elite e a saída producirase ás 14:00 horas. A continuación, ás 15:20 horas, arrincarán os ‘starters’; as parellas ás 15:40 horas e a Popular das 16:00 horas en diante.
Esta proba forma parte da Liga OCRA Galicia, Liga Nacional AOCO, Liga North Finals e será clasificatoria para o mundial OCRW.
Inscricións
Para formar parte da proba, as persoas interesadas deberán apuntarse a través da páxina www.ccnorte.com.En Cerceda daranse cita os mellores atletas nacionais e internacionais deste tipo de carreiras con deportistas de elite chegados dende países como Portugal, Dinamarca, Bélxica, Sudáfrica ou Alemaña. Por algo é considerada, a nivel elite, como unha das carreiras máis esixentes e completas de Europa.
O alcalde de Cerceda, Juan Manuel Rodríguez, subliñou “a aposta decidida deste goberno pola colaboración con este tipo de eventos, que fomentan o deporte e que lle dan visibilidade a recursos naturais que son de moito interese para nós”.
O presidente do club organizador da carreira, Álvaro Sánchez, agradeceu novamente a colaboración do Concello, pois “sen a súa axuda sería totalmente imposible darlle ao evento a magnitude que ten a día de hoxe, e agardamos seguir facéndoo medrar”.
O alcalde de Cerceda, Juan Manuel Rodríguez, recibiu na Sala de Xuntas do Concello á subdelegada do Goberno na Coruña, María Rivas, con quen mantivo unha reunión de traballo. Durante o encontro abordaron diversas cuestións de interese para o municipio, entre as que destacou a expansión da cobertura 5G en Cerceda. O alcalde trasladoulle á subdelegada a importancia desta mellora para favorecer a conectividade, impulsar o desenvolvemento tecnolóxico e ofrecer mellores servizos á cidadanía e ás empresas da localidade.
A ampliación da cobertura 5G en Cerceda supón un avance clave para reducir a fenda dixital e mellorar a competitividade do tecido empresarial. O alcalde incidiu na necesidade de dotar ao municipio dunha infraestrutura tecnolóxica moderna que permita o acceso a servizos dixitais de calidade, tanto para os veciños como para as empresas que operan na zona. Pola súa banda, a subdelegada do Goberno reafirmou o compromiso do Executivo central en continuar impulsando este tipo de proxectos nos concellos galegos.
A subdelegada do Goberno destacou que o Goberno de España está a investir 9,3 millóns de euros para ampliar a rede en 51 concellos, algo que beneficiará a máis de 13.000 veciños.
Posteriormente, a subdelegada e o rexedor acudiron ao Viveiro de Empresas, situado no Polígono do Acevedo, onde se celebrou a xornada "Administración preto de ti", unha iniciativa promovida polo Goberno de España para facilitar a relación da cidadanía coas Administracións Públicas. Neste encontro, os asistentes recibiron asesoramento sobre diversos trámites administrativos e resolución de dúbidas, ademais de poder obter o certificado dixital e a Cl@ve permanente, ferramentas fundamentais para a realización de xestións telemáticas.
A xornada contou cunha importante participación de veciños e profesionais interesados en mellorar o seu acceso aos servizos dixitais. María Rivas destacou a importancia desta iniciativa para garantir que todas as persoas poidan acceder á administración electrónica dun xeito sinxelo e seguro, especialmente en municipios pequenos nos que o acceso a oficinas presenciais pode ser máis limitado. O alcalde tamén puxo en valor este tipo de eventos como unha ferramenta esencial para achegar a administración á cidadanía e facilitar os seus trámites cotiáns.
O alcalde, Juan Manuel Rodríguez, subliñou que “agradecemos a visita á subdelegada do Goberno, tanto para o impulso da conectividade no noso municipio como traendo iniciativas como esta da Administración preto de ti, que son as que marcan a diferencia no trato coa cidadanía”.
Ademais, agradeceu tamén o compromiso inversor do Goberno central en Cerceda, lembrando os 25 millóns de euros entre actuacións xa realizadas e futuras. Entre estas encóntranse os 15 millóns de euros do PERTE do hidróxeno en Meirama, máis de 3 millóns do Instituto de Transición Xusta para impulsar 5 proxectos industriais, o nó da subestación de Meirama, 6 sendas peonís, a modernización da estación de tren Cerceda-Meirama, os 1,2 millóns para instalar placas fotovoltaicas no parque acuático, o medio millón para a rehabilitación do paseo fluvial do río Cabancos, a instalación de luminarias LED en Xesteda e a reforma do local social parroquial, a rehabilitación enerxética do Museo do Moucho, e a execución da obra da Vía Verde.
