O Concello de Cerceda recibiu esta mañá as obras de rehabilitación enerxética do Museo do Moucho, que contaron cun orzamento de 165.224, 74 euros.  O alcalde de Cerceda, Juan Manuel Rodríguez, visitou esta mañá os traballos dun dos “edificios máis senlleiros do noso municipio, que acolle no seu seo actividade municipal para pequenos e maiores”.

Actuouse sobre as fachadas para incrementar o aillamento térmico e a ganancia térmica solar. Executouse colocando placas de bordo escalonado co respectivo morteiro e cor, e na planta baixa realizarase unha fachada ventilada cun aplacado pétreo para protexer mecanicamente a estrutura.

Substituíronse tamén as carpinterías de aluminio, sen rotura de ponte térmica, por outras novas que conseguirán un aforro notable no sistema de calefacción do Museo. En termos de certificación enerxética, a calificación final do proxecto mellora en dúas letras ás do edificio existente, actuando sobre a demanda global e a eficiencia do sistema de climatización. Pasará dunha clasificación C a A.

O alcalde, Juan Manuel Rodríguez, destaca que “estamos moi satisfeitos das melloras en illamento e ganancia térmica solar, o cal permite maior eficiencia enerxética, e polo tanto aforro”, e incidiu que “tamén o benestar dentro das instalacións se incrementou substancialmente, algo que se percibe xa a día de hoxe na zona social, na de actividades e no museo. Temos agora un edificio acolledor, ademais cunha estética externa moito máis atractiva, á altura do que historicamente representou o Museo do Moucho para a conciencia colectiva cercedense”.

O Concello de Cerceda avoga por un novo plan sectorial eólico e estuda presentar alegacións ao proxecto do parque eólico de Teixos e as súas infraestruturas de evacuación. Hoxe, xoves 24 de novembro, sométese a información pública a solicitude relacionada coa instalación, solicitada pola promotora Naturgy Renovables SL.

“A nosa posición é a favor da enerxía, pero de modo ordenado e moi respectuoso co medio”, afirma o alcalde, Juan Manuel Rodríguez.

“Os eólicos afastados dos núcleos ou situados en zonas industrializadas son os que poden atender a unha correcta ordenación do territorio, e demostrar compromiso co rural. Xa tivemos que saír ao paso con éxito nunha ocasión para defender o interese público e tentarémolo sempre que sexa necesario”, remarca o rexedor.

Juan Manuel Rodríguez, alcalde de Cerceda, afirma que “tramitar non é aprobar. Somos conscientes da caducidade de puntos de conexión que xa botou abaixo distintos proxectos no territorio, así como tamén da gran especulación que se están dando cos territorios ocupados por tramitacións”, algo do cal “estamos totalmente en contra”.

Dito iso, sinala, “avogamos por un novo plan sectorial eólico, onde a enerxía eólica se desenvolva de modo ordenado e produtivo”.

 

Consulta aquí toda a información do parque eólico Teixos e as súas infraestruturas de evacuación.

 

O Concello de Cerceda rematou a pasada semana os traballos de mellora do firme da pista que une Leirainfesta co cemiterio e dun dos camiños en Ribasoutas, dentro do Plan de Mellora de Camiños Municipais de Acceso a Parcelas Agrícolas 2021-2022 do AGADER. Contou cun orzamento de 41.820 euros.

Na primeira actuación, interveuse nun total de 685 metros nunha vía que conta cun ancho de 3,5 metros. Limpáronse as gabias de ambas marxes e mellorouse a capa de rodaxe, aplicando unha capa de cinco centímetros de aglomerado en quente a toda a plataforma, reparáronse os baches e perfiláronse as mordentes. Completouse coa correcta colocación da sinalización vertical e horizontal, pintando as liñas nos bordos e a instalación de tres sinais de STOP. Tamén o recrecido dun pozo de rexistro.

Na segunda, no camiño de a Ribasoutas, actuouse nun total de 325 metros, nunha vía que conta cun ancho de 3 metros. Limpáronse as gabias de ambas marxes e mellorouse a capa de rodaxe aplicando un tratamento asfáltico superficial e rego de selado a toda a plataforma.

O alcalde, Juan Manuel Rodríguez, remarca que “son dous casos máis onde mellora a accesibilidade no transcurso deste mandato. Destacablemente no caso da vía que une Leirainfesta co cemiterio”.

 

Bases e convocatoria de subvención municipais a deportistas e entidades culturais ou deportivas para realizar actividades no ano 2022

En Xunta de Goberno Local celebrada o 5/10/2022, aprobáronse as bases reguladoras da convocatoria de subvencións municipais a deportistas e a entidades culturais ou deportivas para a realización de actividades en 2022., o que se fai público os efectos de inicio de prazo de solicitude das mesmas.

Prazo da presentación de solicitudes até o 14 novembro.

>>> Ver documento de bases (pdf)

- SOLICITUDE DE SUBVENCIÓNS PARA ACTIVIDADES CULTURAIS E DEPEPORTIVAS (pdf)

- SOLICITUDE DE SUBVENCIÓNS PARA ACTIVIDADES CULTURAIS, DEPORTIVAS E DEPORTISTAS (pdf)

- SOLICITUDE DE PRÓRROGA PARA A XUSTIFICACIÓN DA SUBVENCIÓN PARA ACTIVIDADES CULTURAIS E DEPORTIVAS (pdf)

- XUSTIFICACIÓN DA SUBVENCIÓN PARA ACTIVIDADES CULTURAIS E DEPORTIVAS

O Concello de Cerceda recepcionou os traballos de creación de varias sendas peonís nas marxes da estrada DP-2403, para conectar o Acevedo-Pao do Lobo-Ubal, por unha banda, e a Picota co Campo de Xesteda, por outra. Contaron cun orzamento de 236.124,00 euros. 

No primeiro tramo, actuouse nun total de 1250 metros, nunha infraestrutura que conta con 2 metros de ancho. Executouse en pavimento de 20 centímetros de zahorra artificial e 15 centímetros de formigón en cor vermella, e conta con rede de pluviais nas zonas nas que así é preciso.

O segundo tramo consta de 750 metros cunha anchura igual que a anterior, 2 metros. Executouse da mesma maneira que a comentada con anterioridade, e en ambos tramos instaláronse árbores e bancos, para facilitar o descanso das persoas usuarias. Tamén se incorporaron muros de pedras de granito nalgunhas zonas. 

O alcalde, Juan Manuel Rodríguez, sinala que “sen contar a execución de novas beirarrúas, levamos investidos en sendas peonís preto de 1.300.000€ nos últimos dous anos. Con respecto ao inicio deste mandato, é moi evidente o profundo avance que se viviu na mobilidade peonil, algo que se seguirá implantando ao longo do territorio, con multitude de sendas xa aprobadas e outras que estamos presentando a distintas convocatorias”.

O Concello de Cerceda recepcionou hoxe as obras de renovación do interior do edificio municipal que se atopa preto da área recreativa de Xesteda para convertilo nun Centro Social e Cultural, nun proxecto que pretende dinamizar a parroquia, dando servizo e actividade á súa poboación cunha instalación acorde ás necesidades demandadas pola veciñanza.

Supuxo un investimento de 131.658,90 euros, dos que 77.798,00 euros foron aportados polo Instituto Para la Transición Justa (ITJ) e o resto o AGADER e fondos municipais. 

O obxectivo do goberno local é que o inmoble acolla actividades de todo tipo, e para todas as idades, de diversa índole como culturais, educativas, lúdicas e asociativas, xa que actualmente esta parroquia non conta con ningún local destas características. O miúdo desta actividade será protagonizado pola Asociación de Mulleres da parroquia.

Así, actuouse no acceso cara o primeiro andar desde o exterior polo baixo. No que se refire o interior, adecuáronse os espazos referentes o vestíbulo de acceso, o aseo da planta baixa, o almacén da planta baixa, o vestíbulo e o aseo da primeira planta e as dúas salas multiusos do primeiro andar.

Tamén se executaron todos os acabados interiores, en tarima de madeira laminada nas salas multiusos do primeiro andar, e en gres cerámico nos restantes espazos. Colocáronse elementos de illamento térmico nas fachadas e realizouse unha renovación total da carpintaría e executaranse as instalacións de fontanaría, saneamento, baixa tensión e alumeado.

O alcalde, Juan Rodríguez, acudiu hoxe á recepción dunhas obras “coas que queremos dinamizar a vida asociativa, cultural e lúdica de Xesteda en particular e do noso municipio en xeral”, facendo fincapé no feito de que “antonte, 15 de outubro, foi o Día da Muller Rural, e aquí en Xesteda temos unha Asociación de mulleres que levarán a maioría do peso na programación que acolla esta renovada edificación”, anotou o rexedor.

“Si agora mesmo sacamos unha imaxe fixa do que viña a ser Xesteda ao inicio deste mandato, o impulso que se lle dou en distintos ámbitos, é certo que é moi gráfica. Está moi claro o gran avance que viviu esta parroquia, sendo algo que facemos extensible ao resto do territorio de Cerceda”, finalizou Rodríguez. 

Os Concellos de Cerceda, Tordoia e Trazo presentaron o seu segundo obradoiro dual de emprego conxunto, que formará ás e ós participantes en materia agroforestal. O alcalde de Cerceda, Juan Manuel Rodríguez; a alcaldesa de Trazo, Josefina Suárez, e o rexedor de Tordoia, Eduardo Antonio Pereiro, acudiron ao acto inaugural celebrado no municipio tracense. 

Este é un proxecto mixto de emprego e formación dirixido a mellorar a ocupabilidade das persoas desempregadas e inscritas no servizo Público de Emprego de Galicia, que teñan unha idade superior aos 18 anos e está subvencionado pola Consellería de Emprego e Igualdade. 

As especialidades que se impartirán serán: actividades auxiliares en conservación e mellora de montes, con 10 alumnas e alumnos; e repoboacións forestais e tratamentos silvícolas, con outras dez alumnas e alumnos. En total, do Concello de Cerceda participarán 8 persoas. Terá unha duración dun ano. 

No termo municipal cercedense, actuarase na área recreativa de Queixas, no Paseo Fluvial do Acevedo, na área recreativa de Meirama, na de Encrobas, na da Silva e na de Xesteda, así como no circuíto Motopark.

O alcalde de Cerceda, Juan Manuel Rodríguez, salientou que “esta é unha oportunidade para a formación onde converxen beneficios mútuos, tanto para o alumnado como para as Administracións participantes”, e recalcou que “se trata de un exemplo de colaboración institucional”, amosándose sempre “disposto e atento a cada petición que me chegue das alumnas e alumnos, por suposto”. 

Durante os meses de outubro e novembro, realizarase os martes e xoves de cada mes.
O horario será de 16 ás 19 horas.
As clases prácticas serán impartidas no Viveiro de Empresas (polígono do Acevedo).
Parte teórica e práctica domiciliaria.
𝐈𝐧𝐢𝐜𝐢𝐨 𝟏𝟖 𝐝𝐞 𝐨𝐮𝐭𝐮𝐛𝐫𝐨.
Incrición 981 68 60 68 Servizos Sociais.

O Concello de Cerceda porá en marcha nas vindeiras semanas os traballos de limpeza de cunetas na contorna da Baixa e as melloras de saneamento en Piñeiro, que contarán cun orzamento de máis de 35.000 euros e preténdese con estas facer un mellor tratamento das augas pluviais e ampliar a rede do servizo de saneamento neste núcleo de poboación. 

Respecto á primeira, a intención do goberno municipal é realizar unha mellora integral nas cunetas coa súa limpeza nas principais entradas da Baixa de Cerceda, tanto na estrada que parte do cemiterio da igrexa de Cerceda como a do Esperón, confluíndo na Ponte Cristina e na zona do Carballal. Proxéctase a habilitación das zonas máis afectadas mediante formigón para dar solución ao tema das augas pluviais nas zonas máis afectadas e que suporá, en todo caso, unha mellora estrutural na zona

En segundo termo, proxéctase ampliar a rede de saneamento en Piñeiro mediante 640 metros de tubaxes de PVC e 12 pozos de rexistro en calzada, previa escavación de zanxa e demolicións de pavimento. Reporase este en zahorra, formigón e aglomerado. 

O alcalde, Juan Manuel Rodríguez, sinala que “buscamos adiantar a solución a un problema estacionario como son as augas de escorrentía, que poden provocar situacións indesexadas na rede de estradas municipal, que agardemos queden solucionadas con estas intervencións nos puntos de entrada á Baixa de Cerceda”.

O Concello de Cerceda beneficiouse da convocatoria de Axudas a proxectos de enerxía fotovoltaica, para o ano 2021-2022, cofinanciada polo Fondo Europeo de Desenvolvemento Rexional, no marco do Programa Operativo Feder Galicia 2014-2020.

Nesta convocatoria executouse o proxecto de Instalación fotovoltaica de autoconsumo de 17KW nominais no Centro Cívico de Cerceda

Cada unha das instalacións ten un custo elixible de 17.278,80 euros, é axuda o Inega, con fondos FEDER, ascendiu a 13.823,04 euros..../...

Ver ou descargar documento completo (pdf)

 

Páxina 4 de 25