O elevado ritmo inversor municipal fai que todas as parroquias se beneficien de melloras de camiños, saneamento ou infraestruturas deportivas.
Ademais de infraestruturas básicas, tamén se contemplan proxectos puntuais como a ampliación da Escola Infantil Municipal, que terá unha nova aula grazas a un investimento de máis de 180.000 euros.
As infraestruturas deportivas levan boa parte do total deste lote de investimentos, pois prevense actuacións no Outeiro, no campo de Rodís e no complexo do Roxo.
O Concello de Cerceda está a desenvolver un amplo programa de obras e melloras que abrangue
todas as parroquias do municipio, cunha planificación que combina actuacións en servizos básicos, infraestruturas viarias, equipamentos deportivos e recursos educativos. Trátase dun esforzo inversor que supera os 1,88 millóns de euros e que materializa o compromiso municipal cunha modernización continua do territorio, garantindo que cada núcleo veciñal conte con mellores condicións de vida e servizos máis eficientes.
Cada proxecto —que neste momento están en execución, recentemente rematadas ou que están nos últimos trámites de contratación — responde a necesidades detectadas no día a día e avanza na liña dun concello cohesionado, ben comunicado e dotado de instalacións modernas e sostibles.
Entre as actuacións executadas e previstas destaca o proxecto de accesos a Abelleira e Boedo (Queixas) e a mellora das pluviais no Brazal de Abaixo, cun investimento global de 127.283,62 euros, que abrangue labores de pavimentación, instalación dunha nova rede de abastecemento, execución dun muro de contención e melloras no sistema de recollida de augas pluviais.
No ámbito da mobilidade rural, o Plan Camiña Rural 2025–2026 permitirá a mellora da pista de Campo Xesteda ao cruce da Brea e doutros camiños en Xesteda, cun investimento total de 82.567,98 euros, destinado a reforzar firmes, acondicionar marxes e asegurar unha circulación máis cómoda para residentes e vehículos agrícolas.
Nesta mesma liña trabállase tamén na ampliación e mellora dun importante acceso ao núcleo urbano de Cerceda, como é o caso de Sobredafonte, cun importe de 102.077,23 euros, que inclúe
movementos de terra, melloras estruturais, novos sistemas de drenaxe e reposicións de pavimento. Pola súa banda, o proxecto de mellora do camiño das Encrobas, a pista de Piñeiro a Sandián (Rodís) e o muro de Picardel (Meirama) -xa contratado para o próximo inicio- supón un investimento conxunto de 38.013,67 euros, destinado á pavimentación, á mellora da drenaxe e á execución dunha nova estrutura de contención.
Tamén se inclúe o proxecto de abastecemento en Vilamarta (Rodís), cun investimento de 34.119,91 euros, que permitirá renovar a rede de distribución de auga potable mediante nova canalización, instalación de válvulas e reposición de pavimentos.
A ampliación da Escola Infantil Municipal supón outro dos proxectos destacados, cun investimento de 183.358,87 euros, orientado a crear unha nova aula de 1-2 anos e mellorar a funcionalidade do centro, dando resposta á demanda crecente de prazas e reforzando os servizos educativos municipais.
O ámbito deportivo tamén concentra unha parte moi relevante do esforzo inversor. No campo de fútbol do Outeiro, prevese a instalación de novas gradas cubertas con vestiarios, almacén, cantina e aseos, cun investimento de 496.818,58 euros, modernizando por completo este equipamento. Ademais, no campo de Rodís, un recinto fundamental para a formación de fútbol do
Concello, executarase unha ampliación e mellora integral do terreo de xogo, cun importe de 184.548,68 euros, mentres que no complexo deportivo do Roxo vaise acometer a substitución total do céspede artificial, cun investimento de 312.781,94 euros, co obxectivo de ofrecer unha superficie máis segura, sostible e de mellor calidade para clubs, xogadores e usuarios.No conxunto do termo municipal tamén se están executando outras melloras viarias como as actuacións na pista da Capela a Parada -contratada desde este pasado xoves-, o acceso a Coence, o camiño a Lavandeiras e o ramal da avenida da Coruña, que supoñen un investimento de 46.674,47 euros, centrado no reforzo da capa de rodaxe e na mellora da drenaxe. A estas intervencións súmanse as obras de pluviais en Sandián (Rodís) -contratadas recentemente-, as
melloras en Cova das Andes, Vilarvello e a rúa da Gardería, cun investimento total de 73.884,78 euros, dirixido a reforzar infraestruturas hidráulicas, mellorar firmes e optimizar a seguridade
viaria. Ademais, a nova depuradora de Meirama e o saneamento en Ribasoutas están xa en execución contan cun investimento conxunto de 201.266,67 euros, que permitirá avanzar no tratamento de augas residuais e na eficiencia ambiental dos sistemas de saneamento municipal.
O Concello de Cerceda mantén así un ritmo de actuacións intenso e constante, cunha planificación que garante que cada parroquia reciba investimentos e melloras estruturais, reflectindo unha visión de crecemento equilibrado e sostible. Este conxunto de intervencións
confirma o compromiso municipal cun territorio máis moderno, accesible e preparado para afrontar os desafíos futuros, reforzando a calidade de vida da veciñanza e consolidando o avance continuo de Cerceda como un concello dinámico e en permanente evolución.
| File |
|---|
 Obras Cerceda 1.jpeg |
O Concello de Cerceda celebra a excelente acollida do seu programa municipal de actividades culturais, deportivas e de envellecemento activo para o curso 2025-2026, que suma xa un total de 1.187 persoas inscritas. A cifra supón un novo fito na participación veciñal, consolidando a Cerceda como un concello comprometido coa promoción da vida activa, saudable e comunitaria.
A ampla oferta municipal, que inclúe disciplinas deportivas como fútbol, ximnasia rítmica, patinaxe ou judo; propostas de benestar como ioga, pilates ou zumba; e actividades culturais e de envellecemento activo como inglés, manuais, costura ou cociña, volveu demostrar a súa capacidade para atraer a públicos de todas as idades. A diversidade das propostas e a súa distribución ao longo da semana permiten adaptar horarios e intereses, facilitando a participación e contribuíndo á creación de hábitos saudables e ao fortalecemento do tecido social.
Desde o Concello destacan que esta elevada inscrición representa case unha cuarta parte da poboación censada, un indicador claro do impacto positivo destas iniciativas. Engaden ademais que o éxito de participación reafirma o compromiso municipal por seguir ampliando e mellorando a oferta, garantindo que Cerceda continúe sendo un referente en dinamización social, deportiva e cultural.
Co inicio das actividades, que foron visitadas por diferentes membros do goberno local, coma o alcalde, Juan Manuel Rodríguez, ou os concelleiros Cristina Capelán, Óscar Golán ou Catrina Queijo. O goberno municipal agradece a confianza e implicación da veciñanza e reafirma a súa vontade de seguir traballando por un concello activo, participativo e cheo de vida.
O Concello de Cerceda informa da comunicación recibida da Consellería do Medio Rural da Xunta de Galicia sobre a adopción de medidas preventivas fronte ao aumento do risco de influenza aviaria de alta patoxenicidade (IAAP).
Segundo indicacións do Ministerio de Agricultura, Pesca e Alimentación (MAPA), a partir do 10 de novembro entran en vigor medidas especiais nos concellos incluídos nas Zonas de Especial Risco (ZER) e Zonas de Especial Vixilancia (ZEV), establecidas pola Orde APA/2442/2006.
O Concello de Cerceda está incluído na zona ZER, xunto cos concellos de Ordes e Tordoia, debido ao incremento do risco pola presenza do virus da influenza aviaria en aves silvestres e de curral en Europa e España.
As principais medidas establecidas pola Consellería son as seguintes:
* Prohíbese a cría de aves de curral ao aire libre, salvo se se instalan sistemas que impidan o contacto con aves silvestres.
* Non se poden criar patos, ocas ou gansos con outras especies de aves de curral.
* Non se permite o uso de aves como reclamo en actividades cinexéticas.
* Non se poderá empregar auga procedente de depósitos aos que teñan acceso aves silvestres, salvo tratamento previo que garanta a inactivación do virus.
* Queda prohibida a presenza de aves de curral ou ornamentais en feiras, exposicións e outros eventos, agás autorización expresa da autoridade competente.
Estas medidas son de aplicación obrigatoria en todo tipo de explotacións avícolas —industriais, artesanais ou familiares de autoconsumo— co obxectivo de previr o contacto entre aves domésticas e silvestres.
O virus H5N1, responsable desta alerta, presenta unha alta mortalidade entre as aves, aínda que o seu potencial de transmisión ás persoas é moi baixo. A Consellería recomenda non tocar aves enfermas ou mortas e avisar de inmediato aos servizos veterinarios oficiais en caso de atopar exemplares nestas condicións.
O Concello de Cerceda solicita a máxima colaboración da veciñanza para cumprir estas medidas e contribuir á protección da saúde animal e pública
A partir do martes 4 de novembro de 2025 xa se poden presentar as solicitudes para participar no programa de termalismo do IMSERSO 2026.
Prazos para presentar solicitudes:
- Quendas de febreiro a agosto de 2026:
- Prazo prioritario: ata o 4 de decembro de 2025.
- Prazo para lista de espera: ata o 14 de maio de 2026.
- Quendas de setembro a decembro de 2026:
- Prazo prioritario: ata o 15 de maio de 2026.
- Prazo para lista de espera: ata o 31 de outubro de 2026.
Máis información no Departamento de Servizos Sociais ou no teléfono 981 68 60 68
| File |
|---|
 RELACION DE BALNEARIOS PARTICIPANTES.pdf |
Convocatoria subvencións municipais deportivas, culturais, ANPAS e deportistas 2025
Por xunta de goberno local de data 22 de outubro de 2025, aprobouse a convocatoria de subvencións municipais a deportistas, entidades culturais, deportivas e ANPAS para a realización de actividades.
Ver documento de bases - BOP 207 29/10/2025 (pdf)
SOLICITUDE DE SUBVENCIÓNS PARA ACTIVIDADES CULTURAIS E DEPEPORTIVAS E ANPAS (pdf)
SOLICITUDE DE SUBVENCIÓNS PARA ACTIVIDADES CULTURAIS, DEPORTIVAS E DEPORTISTAS (pdf)
XUSTIFICACIÓN DA SUBVENCIÓN PARA ACTIVIDADES CULTURAIS E DEPORTIVAS
A Deputación da Coruña no seu programa dirixido a concellos de menos de 50.000 habitantes da provincia da Coruña para a realización e actividades de promoción económica durante o ano 2024 contribuiu a financiación da tradicional Festa do Cochiño do noso concello, cunha subvención de 24.101,16 euros.
Publícase a resolución das axudas municipais á escolarización para o curso 2025/2026, solicitadas ao abeiro da convocatoria publicada no Boletín Oficial da Provincia da Coruña número 110 do 11 de junio de 2025.
As persoas interesadas dispoñen dun prazo de 10 días hábiles, contados a partir do día seguinte da resolución provisional, para presentar as alegacións que consideren oportunas, así como achegar a documentación ou xustificacións que estimen pertinente, de acordo co previsto no artigo 76 da Lei 39/2015, de 10 de outubro, do procedemento administrativo común. No caso de que non se presenten alegacións no prazo sinalado, a resolución provisional entenderase definitiva.
Así mesmo, de acordo co punto 12 das bases da convocatoria, as persoas beneficiarais das axudas, disporán de prazo ata o 13 outubro de 2025 para presentar ,no Rexistro Xeral do Concello de Cerceda, a documentación xustificativa do gasto realizado. No caso en que as persoas interesadas non presenten dita xustificación no prazo establecido, entenderase que desiste da súa petición e perderá o dereito a recibir a axuda recoñecida.
Descargar LISTAXE AXUDAS CONCEDIDAS
Descargar LISTAXE DAS AXUDAS DENEGADAS
| File |
|---|
| LISTAXE AXUDAS CONCEDIDAS.pdf |
| LISTAXE DAS AXUDAS DENEGADAS.pdf |
O Concello de Cerceda, a través da Área de Benestar Social, continuará no ano 2025 co seu programa de Envellecemento Activo, unha iniciativa que ten como obxectivo mellorar a calidade de vida das persoas a medida que envellecen. Para iso, desenvolveranse actividades como talleres de memoria, ximnasia de mantemento, formación en novas tecnoloxías, obradoiros, os xa tradicionais Sábados de Baile, así como a celebración de datas especiais como o Entroido ou o Nadal e diferentes excursións culturais.
Este programa, que leva anos en funcionamento, contará neste 2025 co apoio da Deputación Provincial da Coruña, sendo Cerceda un dos 21 concellos beneficiarios deste financiamento. Grazas a este respaldo económico será posible seguir impulsando novas iniciativas que fomenten o envellecemento activo e contribúan á loita contra a soidade non desexada, un dos grandes retos nas zonas rurais.
A finalidade principal deste proxecto é promover a saúde física e emocional das persoas maiores, favorecer a súa vida social e fortalecer a súa autonomía. O Concello aposta así por unha estratexia integral que combina o exercicio físico, a promoción de hábitos de vida saudables, a atención á saúde mental e a participación social.
A concelleira de Benestar Social, Catrina Queijo, destacou a importancia deste tipo de iniciativas afirmando que “queremos que a veciñanza maior de Cerceda se sinta activa, acompañada e parte da vida do municipio. O envellecemento pode e debe ser unha etapa chea de aprendizaxes, relacións sociais e benestar, e desde o Concello imos seguir traballando para facelo posible”.
Neste mesmo camiño, Cerceda colabora tamén co Sergas a través de dous programas de especial interese para a veciñanza maior: o programa Aloumiños e o programa Xanela Aberta á Familia. Trátase de iniciativas que buscan acompañar ás persoas, reforzar a súa saúde e mellorar o seu benestar no día a día, co obxectivo de que ninguén se sinta só ou desatendido, especialmente no ámbito rural.
Co conxunto destas accións, o Concello de Cerceda reafirma o seu compromiso cunha sociedade máis activa, participativa e solidaria, na que as persoas maiores seguen a ocupar un lugar fundamental.
O Concello de Cerceda continúa a executar a súa ambiciosa estratexia de mellora das instalacións deportivas municipais coa vista posta nun obxectivo claro: deixar os espazos deportivos en condicións óptimas para que, durante os próximos anos, o principal esforzo sexa no mantemento.
Precisamente hoxe tivo lugar a sinatura do convenio entre o Concello de Cerceda e a Deputación da Coruña para cofinanciar as obras de renovación do céspede artificial do campo anexo ao Roxo, que teñen un orzamento de arredor de 313.000 euros, dos cales a Deputación achegará 250.000.
Deste xeito, o campo de fútbol anexo ao Roxo mudará o seu céspede artificial, actualmente deteriorado polo uso continuado e o paso do tempo. Esta mellora, que suporá un salto cualitativo na calidade das instalacións, beneficiará a centos de deportistas locais que utilizan o campo para partidos e adestramentos, garantindo unha superficie segura, moderna e adaptada ás esixencias actuais do deporte.
Esta actuación complétase co recente cambio das luminarias no mesmo recinto, xa executado, que permitiu dotar o campo dunha iluminación máis eficiente e potente, facilitando o seu uso en horario nocturno e reducindo ao mesmo tempo o consumo enerxético.
Este esforzo engádese á importante obra que se está a desenvolver no campo do Outeiro, na Silva, e á intervención prevista en Rodís, nun conxunto de proxectos que deixará a práctica totalidade das infraestruturas futbolísticas do municipio plenamente renovadas.
O alcalde de Cerceda, Juan Manuel Rodríguez, sinalou que “este é o mandato dos investimentos nas instalacións futbolísticas. Isto persegue un obxectivo: ter unhas instalacións en boas condicións para a primeira metade do século XXI. Ao que me refiro con isto é que nos próximos anos teremos que encargarnos principalmente do mantemento, non de reformas, pois xa estarán acometidas”.
Rodríguez destacou que “é unha das instalacións deportivas máis importantes de Cerceda, pois é un lugar de adestramento de moitos equipos. Ademais, completa a gran oferta deportiva do Roxo, co pádel, o campo de herba natural e o campo de fútbol sete”.
O rexedor cercedense aproveitou a ocasión para agradecer ao presidente provincial “a gran axuda que a Deputación lle brinda ao Concello de Cerceda, que se exemplifica con esta actuación, pero que está presente en moitas outras, como as obras financiadas a través do Plan Único”.
O IMSERSO abre o prazo para novas solicitudes para o Programa de Turismo para a tempada 2025/2026 que comeza o día 1 de xullo e remata o día 23 de xullo de 2025.
Solicitantes:
a) Persoas residentes en España que reúnan calquera dos seguintes requisitos:
- Ser pensionista de xubilación do Sistema Público español de Pensións.
- Ser pensionista de viuvez con 55 ou máis anos de idade.
- Ser pensionista por outros conceptos ou perceptor de prestacións ou subsidios de desemprego, en todos os casos con 60 anos cumpridos.
- Ser titular ou beneficiario do Sistema da Seguridade Social, con 65 ou máis anos cumpridos.
b) Os españois residentes no estranxeiro sempre que reúnan os requisitos esixidos no apartado a) anterior.
c) Os españois de orixe emigrantes que retornasen a España, sempre que sexan pensionistas dos sistemas públicos de seguridade social do país ou países aos que emigrasen.
As persoas usuarias poderán ir acompañadas polo seu cónxuxe, parella de feito ou persoa coa que se constitúa unha unión estable e de convivencia con análoga relación de afectividade á conxugal, sen necesidade de que éstos reúnan os requisitos de idade ou pensión.
Asimesmo poderán ir acompañadas dos fillos con discapacidade en grao igual ou superior ao 45%, sempre que a viaxe a realice cos seus pais e ocupe cama supletoria na mesma habitación do hotel ou, no seu caso, abonen o suplemento establecido para cuartos individuales que estará suxeito á dispoñibilidade de prazas.
Para máis información no Departamento de Servizos Sociais ou no teléfono 981 686 068
