O IMSERSO abre o prazo para novas solicitudes de turismo dende o 1 de xullo ata o 22 de xullo de 2024

Solicitantes:

Persoas residentes en España que reúnan calquera dos seguintes requisitos:

• Ser pensionista de xubilación do Sistema Público español de Pensións.
• Ser pensionista de viuvez e ter 55 anos cumpridos.
• Ser pensionista por outros conceptos ou perceptor de prestacións ou subsidios de desemprego, en todos os casos con 60 anos cumpridos.
• Ser titular ou beneficiario do Sistema da Seguridade Social, con 65 anos cumpridos.
• Deberán valerse por si mesmos e non  padecer alteracións de comportamento que impidan a normal convivencia nos hoteis.

Para máis información no Departamento de Servizos Sociais ou no teléfono 981 686 068

O Concello de Cerceda recibiu esta mañá cun acto institucional a Miguel Loureiro, futbolista cercedense actualmente nas filas do Huesca, que fixo unha brillante temporada a pasada campaña na segunda división nacional, disputando 40 de 42 xornadas co equipo oscense.

Tivo lugar na mañá de hoxe, venres 28 de xuño, no salón de plenos do Concello e acudiron o alcalde, Juan Manuel Rodríguez, e parte dos integrantes do grupo de goberno e dos demais grupos da Corporación municipal. Tamén asistiron os pais e máis a avoa de Miguel Loureiro, así como outros veciños e veciñas de Cerceda.

O concelleiro de Deportes, Óscar Golán, repasou a traxectoria do deportista cercedense, que pasou por equipos coma o Bergantiños, o Deportivo de La Coruña, o Celta, o Córdoba ou o Andorra, antes de recalar no seu club actual, a S.D. Huesca. Ademais, foi recentemente convocado pola Selección Galega absoluta para xogar o partido amistoso contra Panamá. Golán destacou de Loureiro “a túa humildade, que demostras día a día; e tamén o teu grande esforzo, xunto co da túa familia”.

Loureiro, de 27 anos, amosouse “moi agradecido ao Concello de Cerceda” por este acto de recoñecemento. O futbolista, natural da parroquia de Rodís, afirmou que “este é un recoñecemento moi importante para min. Nunca imaxinei que representaría a Cerceda no fútbol profesional e é todo un orgullo sentir o apoio de todo o pobo comigo”.

Durante a súa intervención, non puido evitar emocionarse ao lembrar “todo o esforzo da miña familia, que me ensinaron dende pequeno a importancia do traballo e do esforzo, que son os que me permitiron estar hoxe aquí”. “Meus pais deixaron de lado os seus soños para que eu puidera facer realidade os meus”, rematou.

O alcalde, Juan Manuel Rodríguez, destacou que “para nós é fundamental poñer en valor o deporte, porque máis alá do éxito, representa o esforzo”. “Miguel Loureiro é un fantástico embaixador do noso concello e unha persoa que leva o nome de Cerceda polo mundo”, subliñou Rodríguez.

Para rematar o acto, o alcalde fixo entrega a Loureiro dunha estatuíña como símbolo da homenaxe; mentres que o deportista entregou ao Concello unha das súas camisetas desta última temporada.

BASES E CONVOCATORIA DE SUBVENCIÓN MUNICIPAIS DESTINADAS A DEPORTISTAS, ENTIDADES CULTURAIS, DEPORTIVAS E ANPAS DO CONCELLO DE CERCEDA PARA O ANO 2024

Convócanse a concesión de subvencións en réxime de concorrencia competitiva, por parte do Concello de Cerceda ás entidades culturais e deportivas, deportistas e ANPAS ao amparo da Ordenanza Xeral de Subvencións do Concello de Cerceda(BOP nº120, 26 de xuño de 2014)

>>> Ver documento de bases - BOP 119 20/06/2024 (pdf)

>>> SOLICITUDE DE SUBVENCIÓNS PARA ACTIVIDADES CULTURAIS E DEPEPORTIVAS E ANPAS (pdf)

>>> SOLICITUDE DE SUBVENCIÓNS PARA ACTIVIDADES CULTURAIS, DEPORTIVAS E DEPORTISTAS (pdf)

>>> SOLICITUDE DE PRÓRROGA PARA A XUSTIFICACIÓN DA SUBVENCIÓN PARA ACTIVIDADES CULTURAIS E DEPORTIVAS (pdf)

>>> XUSTIFICACIÓN DA SUBVENCIÓN PARA ACTIVIDADES CULTURAIS E DEPORTIVAS

A Xunta volve poñer en marcha o programa Benestar en Balnearios. Unha experiencia de lecer e saúde destinada aos maiores de Galicia. Este ano como novidade pódense elixir estadías no verán!

Estadías de 10 días en réxime de pensión completa (aloxamento, almorzo, comida e cea) a escoller entre 15 balnearios de Galicia desde xullo ata decembro de 2024.

Dirixido a  persoas maiores de 60 anos (ou pensionistas maiores de 55) e un ou dous acompañantes.

Prazo de inscrición: do 18 de xuño ao 17 de xullo de 2024.

Como e onde se solicita praza?

• Online: a través da Sede Electrónica da Xunta de Galicia (código de procedemento BS607A)
• Presencial: en calquera rexistro oficial da Xunta, ou rexistro administrativo ou oficina de Correos. 

• Solicitude xeral
• Solicitude de acompañante

>>> Ver ou descargar documento completo

Con data 12 de xuño de 2024 foi aprobada pola Concelleira de Benestar Social, Igualdade e Comunicación, a listaxe definitiva e de agarda do alumnado admitido na escola infantil municipal "Os Pillabáns" para o vindeiro curso escolar 2024-2025.

Informar ás persoas interesadas que disporán dun prazo de 15 días naturais, que contarán dende a data de recepción da notificación da concesión de praza, para confirmar a matrícula e formalizar o contrato. Deberán presentar a documentación no Rexistro Xeral do Concello ou no departamento de Servizos Sociais, en horario de 9.00h. a 14.00h. e provistos de:

• Confirmación da matrícula (o impreso será enviado xunto coa notificación da concesión da praza)
• Contrato asinado (deberá recollerse e asinar previamente no departamento de Servizos Sociais
• Certificado médico da/o menor, indicando que ten todas as vacinas actualizadas e non padece ningunha enfermidade infecto-contaxiosa
• DNI orixinal daquelas persoas que queiran autorizar para que poidan recoller aos menores na escola

Se despois de rematar este período non se formalizase o contrato perderá o dereito á praza concedida.

Máis información no Departamento de Servizos Sociais no teléfono 981 68 60 68.

Attachments:

File	File size
240612 listaxe definitiva alumnado 24 25.pdf	508 kB

Con data 31 de maio de 2024 a Comisión de Baremación, Coordinación e Seguimento da escola infantil municipal acorda a listaxe provisional do alumnado admitido e do alumnado en agarda para o vindeiro curso escolar 2024-2025.

As persoas interesadas poderán presentar as reclamacións que consideren oportunas no prazo de 10 días naturais a contar a partir do día seguinte desta publicación, de acordo co establecido no artigo 19 do Regulamento da escola infantil (publicado no BOP da Coruña número 231 do 5 de decembro de 2017).

Máis información no Departamento de Servizos Sociais no teléfono 981 68 60 68.

LISTAXE PROVISIONAL DO ALUMNADO ADMITIDO E EN AGARDA

E RELACIÓN DE PRAZAS DISPOÑIBLES NA ESCOLA INFANTIL MUNICIPAL

CURSO 2024-2025

Unidade de atención de 0 a 1 anos:

- Listaxe do alumnado admitido:

Unidade de atención de 1 a 2 anos:

- Listaxe do alumnado admitido:

Listaxe agarda unidade atención 1-2 horario de mañá:

* en caso de obter igual puntuación, teñen preferencia as rendas per cápita máis baixas.

Unidade de atención de 2 a 3 anos:

- Listaxe do alumnado admitido:

RELACIÓN PRAZAS DISPOÑIBLES POR UNIDADE DE ATENCIÓN

Unidade de atención de 0-1:

• Na quenda de mañá: 2 prazas.
• Na quenda de tarde: 6 prazas.

Lista de agarda non hai.

Unidade de atención de 1-2:

• Na quenda de mañá: Non hai prazas dispoñibles.
• Na quenda de tarde: 12 prazas dispoñibles.

Lista de agarda na quenda de mañá: 17 solicitudes

Unidade de atención de 2-3:

• Na quenda de mañá: 1 praza dispoñible.
• Na quenda de tarde: 17 prazas dispoñibles.

As operadoras de telefonía móbil, Telefónica, Vodafone e Orange, anunciaron que nas próximas semanas levarán a cabo o proceso de implantación de servizos de telefonía móbil de nova xeración, 4G e 5G, nas bandas de 800 e 700 MHz en Cerceda, o que permitirá dispor de conexións móbiles de alta velocidade con mellor cobertura no interior dos edificios e maior extensión xeográfica.

Para garantir a compatibilidade da nova tecnoloxía coa televisión dixital terrestre (TDT), LLega700 é a entidade posta en marcha polas operadoras para solucionar calquera afectación na recepción do sinal de televisión.

O proceso de implantación estase realizando de xeito paulatino por toda a xeografía nacional. Para consultar as localidades nas que xa están activos estes servizos, pódese consultar a seguinte ligazón: https://www.llega700.es/contacto_mapa.php

Teléfono gratuito de atención ó cidadán: 900 833 999

www.llega700.es

Ver ou descargar documento informativo completo (pdf)

>>> Ver ou descargar solicitude

O Concello de Cerceda abriu hoxe o prazo de presentación de solicitudes para beneficiarse das axudas á escolarización do alumnado empadroado no municipio, unhas subvencións que este ano chegarán a máis familias ao medrar un 19% o orzamento destinado a esta cuestión.

O Concello dedicará 25.000 euros a estas bolsas no próximo curso, das que se poden beneficiar os e as residentes en Cerceda que estean matriculadas nun centro de ensino e que cursen: Educación Infantil, Primaria, Secundaria, Bacharelato, Formación Profesional de Grao Medio ou Superior.

A contía variará en función dos ingresos, e irán dende os 100 euros para un alumno ou alumna de Bacharelato ou FP que teña unha renda per cápita familiar entre o 100 e o 120% do IPREM mensual (fixado en 600 euros) ata os 250 euros que recibiría un neno ou nena de Educación Infantil cuxa renda per cápita familiar non acade os 600 euros mensuais.

Serán gastos subvencionables os derivados da compra de libros de texto, material escolar, vestiario básico ou equipamento informático para o alumnado que teña establecido o emprego da mochila dixital. Ademais, este apoio será compatible con calquera outro tipo de subvencións.

Transporte escolar

Así mesmo, hoxe tamén abriu o prazo para solicitar o apoio municipal para os desprazamentos con fin escolar de cara ao curso 24/25. A partida será idéntica á do ano pasado (5.000 euros) e poderá acceder o alumnado de Bacharelato, Ensinanza de Réxime Especial, FP ou universitario. Cada beneficiario recibirá 250 euros de axuda sempre que cumpra os requisitos establecidos nas bases, que se poden consultar na páxina web municipal.

O prazo de presentación de solicitude para estas bolsas está aberto dende hoxe ata o 18 de xuño. As instancias serán entregadas, preferentemente, a través da sede electrónica, aínda que tamén se poderán presentar no rexistro do Concello de Cerceda.

A concelleira de Benestar Social, Igualdade e Comunicación, Catrina Queijo, insiste na “necesidade de que o Concello saiba atender as necesidades da veciñanza”, incidindo tamén en que “os comezos do curso escolar son, economicamente, complexos, e coas bolsas, podemos aliviar en parte este momento”.

Con data 29/05/2024 publicouse no Boletín Oficial da Coruña número 103 a convocatoria das axudas municipais para os desprazamentos con fin escolar para o vindeiro curso 2024-2025. O obxecto destas axudas é apoiar aos estudantes que cursen estudos de bacharelato, de ensinanza de réxime especial, formación profesional ou universitaria favorecendo o seu acceso aos centros de ensino públicos mediante unha axuda económica para os gastos derivados da utilización de calquera tipo de transporte para acceder aos mesmos.

O prazo de presentación das solicitudes será dende o día 30/05/2024 ata o día 18/06/2024 ambos incluidos.

Para máis información no Departamento de Servizos Sociais ou no teléfono 981 68 60 68.

>>> Ver ou descargar Bases e Anexos

>>> Ver ou descargar solicitude

Con data 29/05/2024 foron publicadas no Boletín Oficial da Provincia da Coruña número 103, as bases polas que se rexerá a convocatoria das axudas municipais para a escolarización para o vindeiro curso escolar 2024-2025. O prazo de solicitude das axudas será dende o 30/05/2024, ata o 18/06/2024 (ambos os dous incluídos)

Subvencionaranse os gastos derivados da compra de:

a) Libros de texto

b) Material escolar

c) Vestiario básico

d) Material informático (soamente para o alumnado que teña establecido o emprego da mochila dixital)

2. Non é obxecto de financiación desta convocatoria o equipamento deportivo para as actividades extraescolares 

Para máis información poden contactar co Departamento de Servizos Sociais, no telf.: 981 68 60 68.

>>> Ver ou descargar Bases e Anexos

>>> Ver ou descargar solicitude