Actualidad

Chega a Cerceda María do Ceo no Nadal en Rede da Secretaría Xeral de Política Lingüística o venres 29 de decembro

O Auditorio municipal de Cerceda acolle este venres, 29 de decembro, o concerto de María do Ceo e as súas Cancións para nenas e nenos dentro da programación Nadal en Rede da Rede de Dinamización Lingüística. A actividade dará comezo ás 18h e está dirixida a todos os públicos. 

Obradoiro de Poda aberto o prazo de inscrición

O Concello de Cerceda organiza un obradoiro de poda para o mes de xaneiro. A actividade desenvolverase os días 8, 15, 22 e 29 de xaneiro das 16:30 ás 18:30 h, no Centro cívico. As persoas interesadas xa poden facer a súa inscrición nas Oficinas xerais do Concello. O número máximo de persoas inscritas será de 15 e para a súa realización será preciso un número mínimo de 10 solicitudes. O custe é de 12 euros. CONTIDOS DO OBRADOIRO DE PODA:
  • As ferramentas de poda e o seu mantemento 
  • Para qué serve a poda. Tipos de cortes segundo o que buscamos.
  • As diferentes tipoloxías de poda nas árbores ornamentais.
  • Xeneralidades sobre a poda nas árbores froiteiras
  •  Métodos de reproducción vexetativa: enxetos, gallos, e acodos.
  • Influencia das fases da lúa no comportamento das plantas.
  • Tratamentos naturais para as froiteiras.

Papá Noel visita Cerceda

O Concello de Cerceda xa ten todo preparado para recibir a Papá Noel; a súa visita dará comezo na Escola infantil municipal a partir das 10h. A continuación, espérano o alumnado do CPI O Cruce.  Os agasallos de Papá Noel tamén serán, moi ben recibidos, no Centro residencial de Día a partir das 11:45h. Finalmente, será o CEIP Celso Emilio Ferreiro quen reciba a Papá Noel.  

Últimos días para xustificar as subvencións concedidas na Convocatoria pública de Subvencións a deportistas e ás entidades culturais e deportivas 2017

Os/as deportistas e ás entidades culturais/deportivas beneficiarias das Subvencións municipais 2017 teñen ata o venres, 15 de decembro de 2017, para a xustificar as contías concedidas. Podes acceder dende esta nova a toda a documentación necesaria para facer a xustificación ou para solicitar a prórroga do prazo de xustificación que se deberá achegar, en todo caso, ata o 15 de decembro nas Oficinas Xerais do Concello de Cerceda. Por Decreto da Alcaldía – Presidencia 716/2017, de 16 de novembro de 2017, apróbase a resolución da Convocatoria pública de subvencións municipais a deportistas e ás entidades culturais e deportivas para a realización de actividades no ano 2017 (BOP núm. 180, de 21 de setembro de 2017). Podes acceder dende esta nova á resolución 2017.   Attachments:
0Resolucion 2017 Convocatoria subvencion municipais deporti….pdf
1 Document. Xustificacion Entidades_2017.pdf
2 Documentacion Xustif. Deportistas.pdf
3Solicitude prorroga prazo xustif.2017.pdf

Os fabulosos Cleaners co seu espectáculo máxico de pompas de xabón este domingo 17 de decembro no Auditorio de Cerceda

Chega a Cerceda o sorprendente espectáculo visual con pompas de xabón dos Fabulosos Cleaners, este domingo 17 de decembro a partir das 18:00h, no Auditorio municipal de Cerceda. Comeza o Nadal... E ti, vas a perdelo? OS FABULOSOS CLEANERS é un espectáculo de pompas de xabón para todos os públicos. Unha experiencia visual para participar toda a familia. O autor alacantino Luis Beviá, que percorreu medio mundo co seu universo xabonoso (Londres, Hong-Kong, México, Colombia, Perú, Cuba, Grecia ou Islandia, entre outros) dirixe a parte técnica deste sorprendente espectáculo. Dous operarios da limpeza do teatro, descobren por casualidade as posibilidades que lles ofrecen as súas ferramentas de traballo combinadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas e burbullas. O público sorprenderase e gozará con estas máxicas burbullas; pompas transparentes, con fume, con vapor, pequeñas, grandes, estáticas ou voando polo escenario. O espectador camiñará da man destes personaxes por un mundo máxico, cheo de cor e de moito, moito humor, e verase sorprendido dentro dun patio de butacas repleto de miles de pompas de xabón.

Tarde de Maxia o sábado 2 de decembro co Mago Román e Kiko Pastur

O próximo sábado, 2 de decembro, espéranos unha tarde chea de maxia no Auditorio municipal de Cerceda. Non perdas a ocasión de coñecer ao Mago Román e o ilusionista Kiko Pastur. Ás 18:00h   O mago e ilusionista máis premiados de Galicia e con máis de 15 anos de experiencia, volven a xuntarse para crear un novo espectáculo que recolle os mellores números de maxia que fixeron nos últimos anos. Unha nova forma de ilusionarse que asombrará, divertirá e fascinará a toda clase de públicos. Sábado, 2 de decembro// Ás 18:00h Auditorio municipal de Cerceda Coa colaboración da Deputación da Coruña a través da Rede Cultural 2017

O Apóstolo o domingo 3 de decembro no Auditorio municipal de Cerceda

O domingo 3 de decembro toca Cine no Auditorio municipal de Cerceda coa proxección do filme O Apóstolo. Non quedes sin a túa butaca!!! Ás 17:30 horas Coa colaboración da Deputación da Coruña a través da Rede Cultural 2017

Publicación das listaxes das axudas concedidas e as denegadas para transporte escolar, curso 2017-2018

Rematado o prazo de solicitude e o prazo de subsanación da documentación requirida e unha vez valoradas todas as solicitudes de acordo co establecido nas bases da convocatoria, a Xunta de Goberno Local aprobou en data 29/11/2017 a relación das axudas concedidas e das denegadas. Informar ás persoas interesadas que de acordo co artigo 11 das bases da convocatoria o prazo para presentar no Rexistro Xeral do Concello a documentación xustificativa comezará o día 1 de decembro e rematará o 30 de decembro de 2017. Segundo o artigo 11.2 das bases, no caso en que non presenten a xustificación no prazo establecido, entenderase que desisten da súa petición. De acordo co establecido no artigo 12, o pagamento da axuda concedida farase efectivo logo da presentación da documentación xustificativa.   Attachments:
LISTAXES DAS SOLICITUDES CONCEDIDAS-DENEGADAS.doc

Termalismo social do IMSERSO 2018. Aberto o prazo de solicitude.

Termalismo Social IMSERSO

Normativa:

Requisitos das/dos usuarias/os

Que reúnan algún dos seguintes requisitos:
  1. Ser pensionista de xubilación ou incapacidade permanente do Sistema de Seguridade Social español.
  2. Ser pensionista de viuvedade con cincuenta e cinco ou máis anos de idade do Sistema de Seguridade Social español.
  3. Ser pensionista por outros conceptos ou perceptor de prestacións ou subsidios de desemprego, con sesenta ou máis anos de idade do Sistema de Seguridade Social español.
  4. Ser asegurado ou beneficiario do Sistema da Seguridade Social español, con sesenta e cinco ou máis anos de idade.
O programa desenvolverase entre o mes de febreiro e o mes de decembro de 2018.

Prezo e forma de pago das prazas

O prezo para pagar polos usuarios e, no seu caso, os acompañantes, por praza e quenda, ascende ás cantidades que se sinalan, para cada balneario, mes e tipo de quenda, no cadro anexo I.

Documentación:

Se a temporada pasada a persoa solicitou praza e reunía os requisitos para participar no programa, o IMSERSO remitiralle por correo un modelo simplificado para a renovación da súa solicitude. Se accede por primeira vez ao Programa ou volve a solicitalo logo de non telo feito no ano 2016, deberá formalizar nova solicitude e informe médico:
  • Solicitude. A Declaración sobre o estado de saúde efectúaa o propio solicitante e, no seu caso o seu cónxuxe. Non precisa ir ao médico para que a cumprimente.
Prazo de presentación:
  1. Para as quendas dos meses de febreiro a agosto, ambos inclusive: ate o día 4 de xaneiro de 2018
  2. Para as quendas dos meses de setembro a decembro: ate o día 11 de maio de 2018.

Máis información:

Merendas e Contos na Biblioteca da Silva, o venres 24 de novembro

Anota na túa axenda... que o venres 24 de novembro tocan Merendas e Contos na Biblioteca da Silva, a partir das 17:15h. Fai a túa inscrición nas Oficinas xerais ou no teléfono 981685001
  • MERENDAS E CONTOS NA BIBLIOTECA MUNICIPAL DA SILVA
  • Venres, 24 de novembro de 2017. Ás 17:15h
  • ESPECTÁCULO: COROCOCÓ. A partir de 3 anos
  • Coa colaboración da Deputación da Coruña a través da Rede Cultural 2017
‘COCOROCÓ’ é un  espectáculo de narración oral no que se empregan obxectos, monicreques, debuxos e interación  co público.  Pero…quen  canta COCOROCÓ? Unha galiña, pero non unha galiña calquera, non, unha galiña azul. Sí, azul como o ceo, coma o noso mar, unha galiña diferente a todas as demáis. Por iso é perseguida e quere matala  Manolito Listón, o alcalde, porque él di que  unha galiña que en vez de dicir cacaracá di cocorocó, que pon ovos de cores e ten cinco plumas  vermellas na á dereita , “non é unha galiña como debe ser pero…  Chsss! silencio, é mellor que o conte ela, sí a Galiña Azul.

Subcategorías

¡Atención! Este sitio usa cookies e tecnoloxías similares. Pode cambiar a configuración do seu navegador para rechazar o emprego das mesmas. Pode consultar máis información en Información de cookies.

Acepto as cookies para este sitio.
EU Cookie Directive plugin by www.channeldigital.co.uk