Actualidade
Dende o 15 de marzo ao 15 de abril de 2025 está aberto o prazo de solicitude de renovación e praza nova na escola infantil "Os Pillabáns" para o curso 2025/2026.
A documentación precisa que se debe de adxuntar xunto co modelo de solicitude é a que se acompaña no anexo. Esta documentación debe ser presentada na Sede Electrónica do concello, no Rexistro Xeral ou en Servizos Socias do concello, en horario de 9.00horas a 14.00horas.
Máis información no Departamento de Servizos Sociais ou no teléfono 981 68 60 68
As operadoras de telefonía móbil, anunciaron que nas próximas semanas levarán a cabo o proceso de implantación de servizos de telefonía móbil de nova xeración, 4G e 5G, nas bandas de 800 e 700 MHz en Cerceda, o que permitirá dispor de conexións móbiles de alta velocidade con mellor cobertura no interior dos edificios e maior extensión xeográfica.
Para garantir a compatibilidade da nova tecnoloxía coa televisión dixital terrestre (TDT), LLega700 é a entidade posta en marcha polas operadoras para solucionar calquera afectación na recepción do sinal de televisión.
O proceso de implantación estase realizando de xeito paulatino por toda a xeografía nacional. Para consultar as localidades nas que xa están activos estes servizos, pódese consultar a seguinte ligazón: https://www.llega700.es/contacto_mapa.php
Teléfono gratuito de atención ó cidadán: 900 833 999
www.llega700.es
Ver ou descargar documento informativo completo (pdf)
O Concello de Cerceda recibiu esta semana as obras de saneamento en Longo, as tubaxes de saneamento e abastecemento en Pao do Lobo e do sistema de depuración da Silva, que foran contratadas no seu día por un valor de 172.884,47 euros.
A Administración local xa ten en contratación, a través do POS da Deputación da Coruña, a depuradora de Meirama xunto coa extensión do saneamento en Ribasoutas, por un importe superior aos 200.000 euros; e tamén están moi próximas as aprobacións do saneamento cara a Gándara; en San Vicenzo (72.000 euros); en Campos de Alga (68.000 euros) e na Cortella e Albarda (279.000 euros).
O alcalde de Cerceda, Juan Manuel Rodríguez, asegura que “valoramos favorablemente a finalización destas tres obras, moi demandadas pola veciñanza. Pero xa estamos pensando no futuro, con máis de 600.000 € de obras aprobadas para seguir avanzando a prol do saneamento, como un dos grandes obxectivos en materia de desenvolvemento sostible e calidade de vida. Son actuacións que cobran coherencia cando existe unha demanda real e efectiva. Nese sentido, mención especial merece a depuradora de Meirama, unha das infraestrutura relevante que se van facer realidade no presente mandato".
A Unidade Móbl de inspección técnica de TURISMOS desplazarase ó Concello de Ceceda nas seguintes datas e ubicacións
- 30/04/2025: entrada Aquapark (Cerceda)
- 05/05/2025 - 06/05/2025 entrada Aquapark (Cerceda)
Horario:
- 09:00 - 13:30
- 15:15 - 18:00
- O día 06/05/202 o horarío será só de mañá 09:00 - 13:30
Para solicitar cita previa:
- Tel.: 981 92 80 80
- www.sycitv.com
A parroquia das Encrobas, neste ano 2025 se atopa (de novo) dentro da zona tampón delimitada pola Xunta, polo que deben facer a comunicación das plantacións de patacas, acorde ao modelo (ou sede)
Consellería del Medio Rural
RESOLUCIÓN de 24 de enero de 2025, de la Dirección General de Ganadería, Agricultura e Industrias Agroalimentarias, por la que se actualizan las zonas demarcadas por la presencia de la plaga de cuarentena Tecia solanivora Povolny, o polilla guatemalteca de la patata, en la Comunidad Autónoma de Galicia .../...
Ver ou descargar resolución completa (pdf)
Tramitar en liña:
MR465C - Cultivo de pataca referencia SIXPAC das parcelas cultivadas.
Realizar solicitude presencial:
Descargar solicitude (Anexo II, pdf)
O Pacto das Alcaldías é a maior iniciativa urbana do mundo en materia de clima e enerxía na que as autoridades locais se comprometen a reducir as emisións un 40% ata o ano 2030, mellorar a eficiencia enerxética, utilizar fontes de enerxía renovable e desenvolver accións para mitigar o cambio climático.
No ano 2020 o seu Concello elaborou o Plan de Acción polo Clima e a Enerxía Sostible (PACES) como folla de ruta para alcanzar os obxectivos do Pacto das Alcaldías. Agora estase a realizar o 2º Informe de seguimento para ver a súa evolución. Por este motivo, pedimos a colaboración da veciñanza para recoller información cunhas breves preguntas.
GRAZAS POLA SÚA COLABORACIÓN
