Actualidade

Chega á Biblioteca municipal da Silva, dentro da programación do Ler Conta Moito da Rede de Bibliotecas de Galicia, o espectáculo CONTOS DE MARMALEIRO, ANÍS E LIMÓN de Marisa Irimia. Historias cheas de maxia e emocións. Contos doutros tempos e outras falas, contos que vos farán gozar e que vos iniciarán no camiño dos relatos e as historias.

Público: Nenos de 4 a 10 anos.

BIBLIOTECA MUNICIPAL DA SILVA -

  • VENRES, 29 DE SETEMBRO
  • ÁS 17:15H

Inscricións das Oficinas xerais do Concello ou no teléfono: 981685001, a partir do luns 25 de setembro.

O próximo domingo, 1 de outubro, a Polideportiva de Cerceda acolle o II Aberto de Xadrez Concello de Cerceda, incluído no II Circuíto intercomarcal da Deputación da Coruña. O encontro terá a partir das 15:45h. Consulta as Bases do Aberto e o proceso de inscrición na proba:

Bases do II Aberto de Xadrez Concello de Cerceda – VIII proba de II Circuito Intercomarcal Deputación da Coruña
Data: domingo 1 de outubro de 2017.
Local de xogo: Polideportiva de Cerceda.
Sistema de xogo: suizo a 7-8 rondas dependendo do número de xogadores.
Ritmo de xogo: 10´+ 2”
Horario de xogo: 15:45 presentación, 16:15: 1ª ronda, 21:30 clausura
Inscricions: xeral 6€, sub-16 3€, locais: 3€, exentos GM-MI. Pódense realizar no mail Este enderezo de correo está a ser protexido dos robots de correo lixo. Precisa activar o JavaScript para velo. ou no 617234393 ata o sábado 30 de setembro.

Emparellamentos: realizarase mediante programa informático, non se admitirán reclamacións salvo erros na introducción de resultados antes da seguinte rolda.
Participantes: todos os xogadores deben estar federados (se algún non o esta podemos federalo ata o día 30), o torneo será válido para ELO FIDE de xadrez rápido.

Desempates: resultado particular, bucholz -1, bucholz total e progresivo.
Tempo de espera: hasta a caída da bandeira. Un xogador que non compareza a partida sin causa xustificada será eliminado do torneo.

O departamento de Servizos Sociais participou nun estudo de investigación, levado a cabo pola Universidade de Berkeley (California) sobre a aplicación de novas técnicas de intervención psicosocial, a texting terapia.

Acaba de publicarse o artigo que presenta os resultados deste estudo, baseado no uso dun modelo cognitivo conductual, a texting terapia, como ferramenta de intervención terapéutica para mellorar a saúde mental, física e social de mulleres desempregadas de longa duracción.

O metodo, consistía no envío automatizado de SMS os teléfonos móbiles das usuarias, selecionadas o azar dende os departamentos de servizos sociais dos concellos que participaron no estudo. Levouse a cabo durante 28 días. O cen por cento das mulleres que participaron no estudo amosaron a súa satisfacción e utilidade desta terapia.

O artigo foi publicado no Journal of Technology and Human  Services, e pode consultalo no seguinte enlace.

 

VIVEIRO INDUSTRIAL DE EMPRESAS DO CONCELLO DE CERCEDA

O concello de Cerceda ten aberto ata o 30 de xuño, o prazo para solicitar un espazo no viveiro industrial de empresas.

Se eres emprendedor/a ou tes un negocio industrial, con menos de 6 meses de antigüidade, pódeste instalar no noso viveiro. Poñemos a túa disposición oficinas e naves para empresas industriais e todos os servizos para o funcionamento do teu negocio.

Para mais información dirixirse a axente de desenvolvemento local do Concello de Cerceda.

A Comisión de Baremación, Coordinación e Seguimento da escola infantil municipal "Os Pillabáns", reuniuse con data 29 de maio de 2017 para a valoración das solicitudes de renovación de praza e, aplicar o baremo de ingreso ás solicitudes de nova praza para o curso escolar 2017-2018.

Unha vez baremadas todas as solicitudes asignáronse as prazas por orde de puntuación.

As persoas interesadas, de acordo co artigo 19 do Regulamento da Escola infantil, dispoñen dun prazo de 10 días naturais posteriores á data de exposición pública desta listaxe, para efectuar as reclamacións que consideren. Estas reclamacións entenderanse resoltas coa publicación da listaxe definitiva.

Máis información no Departamento de Servizos Sociais

Páxina 25 de 27