O punto limpo de Cerceda creouse co obxectivo fundamental de servir como centro de achega voluntaria para a recollida selectiva dos residuos producidos no ámbito domiciliario.
PUNTO LIMPO
Lugar do Acevedo s/n
15186 Cerceda
Teléfono: 981 685 001Horario:
- Martes, xoves e sábado de 09:00 a 14:00
Os obxectivos principias desta instalación son os seguintes:
- Recuperar os materiais contidos nos residuos para a súa reciclaxe, coma o papel, vidro, metais, etc.
- Evitar a vertedura incontrolada de cascallos e residuos voluminosos como mobles ou electrodomésticos.
- Separar os residuos xerados nos fogares que representen un risco para o medio como os medicamentos, pilas, pinturas, etc.
No punto limpo de Cerceda poden depositarse residuos como o papel e cartón, vidro, plásticos de diferentes tipos, metais, téxtil, material inerte procedente de pequenas obras domésticas, esprais, tubos fluorescentes, pilas, aceites usados, radiografías...
Non pode levarse:
- Materia orgánica: usualmente a súa recollida selectiva está prevista para ser levada a cabo a través de colectores específicos instalados nas rúas das vilas.
- Residuos industriais de grandes e medianas empresas: as grandes e medianas empresas xa teñen establecido un sistema correcto de xestión dos residuos que producen.
- Residuos radioactivos.
