Noticias

 

Cerceda, 2 de agosto de 2022 – O Concello de Cerceda iniciou os traballos de renovación do colector de saneamento do núcleo de Cerceda ao seu paso pola rúa mesón.

Preténdese actuar en 49 metros da rede e previa execución das gabias instalarase unha nova canalización con tubaxe de PVC de 400 milímetros de diámetro, e tres pozos de rexistro.

Executaranse tamén oito acometidas domiciliarias mediante enlace colector, arqueta de saneamento e tubaxe de PVC. Estes traballos completaranse coa reposición do pavimento afectado de formigón reforzado e aglomerado.

O alcalde, Juan Manuel Rodríguez, sinala que “as intervencións en materia de saneamento son fundamentais, xa que garanten a prestación dun servizo prioritario para a veciñanza”, e neste sentido, recalca que “a nosa idea é realizar estas tarefas alí onde sexa necesario para garantir o benestar das persoas de Cerceda”.

O Concello de Cerceda convoca as axudas a través de incentivos á contratación temporal por conta allea para facilitar a empregabilidade e ocupabilidade das persoas participantes no Obradoiro de Emprego Cerceda- Tordoia- Trazo III.

Aquelas empresas ou autónomos con centros de traballo nos concellos de Cerceda Tordoia ou Trazo, que teñan interese en contatar un traballador ou traballadora das especialidades de “Montaxe e reparación de sistema microinformáticos” (IFCT0309) ou “Actividades auxiliares en mellora e conservación de montes” (AGAR0309), poderán beneficiarse desta axuda de 1.500 euros, sempre que o contrato sexa por un mínimo de tres meses.

Subvenciónanse tres contratacións, e o prazo de presentación de solicitudes vai dende o 27/06/2022 ata o 08/07/ 2022.

 

Ver ou descargar Bases BOP

Ver ou descargar solicitude (pdf)

Ver ou descargar xustificación (pdf)

Cerceda, 15  de xuño de 2022 – Comezan as obras da nova rede de saneamento de case 400 metros na rúa Acevedo, que complementa as xa iniciadas na Picota, en Xesteda, e as da rúa Mesón. As tres actuacións suman un investimento de 47.000 euros e que rematarán este mesmo verán. A actuación está financiada en parte polo POS UNICO da Deputación Provincial da Coruña. O alcalde Juan Manuel Rodríguez, asegura que todas estas actuacións de saneamento enmárcanse nas múltiples actuacións que puxo en marcha o Goberno local para  mellorar o este servizo básico en todo o termo municipal. De feito, o Concello licitou varias obras de este tipo nos últimos meses que perseguen o mesmo obxectivo.

Na rúa Acevedo prolongarase a rede de saneamento existente cunha execución de 360 metros de canalización en tubaxe e tamén se contempla a instalación de 7 pozos de rexistro. Tamén se levará a cabo a posta a cota dunha lousa de formigón existente para cruce dun rego, co fin de permitir o paso da nova canalización de saneamento. As obras complétanse coa reposición do pavimento afectado.

No caso da rede de saneamento de Xesteda ata o núcleo de A Picota, obra xa iniciada, está prevista a execución de 274 metros de canalización en tubaxe, previa execución das gabias, e a instalación de 7 pozos de rexistro. As obras complétanse coas reposicións dos pavimentos afectados.

E, por último,  renovarase  o colector de saneamento da rúa Mesón nun  treito de 49 metros da rede saneamento deste o núcleo de Cerceda ó seu paso pola rúa Mesón. A actuación contempla a execución  de oito acometidas domiciliarias mediante enlace colector, arqueta de saneamento e tubaxe. Estas obras complétanse coa reposición do pavimento afectado.

 

Cerceda, 7 de xuño de 2022 – O Concello de Cerceda licita as obras de mellora de varios camiños municipais; Xermar á zona de eólicos,  Portobrea a Ponte Areosa, e Virís; a ampliación de saneamento na Silva; e o acondicionamento cuneta zona campo da Xesteda. As obras, financiadas a cargo do POS da Deputación contan con un orzamento de preto de 100.000 euros.

En concreto, a actuación permitirá arranxar o camiño de Xermar á zona Eólicos nun tramo de 650 metros e coa apertura de gabias e a colocación de taxeas de formigón para o correcto drenaxe lonxitudinal e transversal. No caso da mellora do camiño Portobrea ata Ponte Areosa as obras dividiranse en dous tramos que incluirán a mellora da capa de rodaxe cunha nova superficie de rodaxe e un reforzo no drenaxe así como como o pintado de marcas viais para sinalización. En Viris, renovarase todo o firme ao longo de 900 metros de lonxitude e novas gabias para mellorar o drenaxe.

Por outra banda, ampliarase dentro desta actuación a rede saneamento na zona da Silva coa canalización de augas residuais de case 400 metros de tubaxe e a reposición do pavimento integral no mesmo espazo.

Canto ao acondicionamento da cuneta na zona do campo da Xesteda a intención é facela transitable cunha capa de formigón previa demolición do pavimento existente.

O alcalde de Cerceda, Juan Manuel Rodríguez, sinala que se trata de obras demandadas pola veciñanza que “melloran a seguridade viaria e os servizos básicos, fundamentais para o benestar do noso Concello”, apuntou.

Cerceda, 14  de xuño de 2022 – Hoxe tivo lugar a entrega do Premio “Recíclate con Sogama” 2021-2022,  que ten por obxectivo divulgar a oportunidade que representa para o medio ambiente transformar os residuos en recursos. Nesta ocasión os alumnos e alumnas do CEIP Plurilingüe Celso Emilio Ferreiro da Silva recibiron o terceiro premio, dotado co 700 euros polo seu deseño orixinal sobre a concienciación da reciclaxe como ferramenta fundamental para protexer o medio ambiente.

 O alcalde de Cerceda, Juan Manuel Rodríguez, acompañado da concelleira Cristina Capelán, asistiron a entrega de premios e destacaron o compromiso dos alumnos e alumnas do CEIP Celso Emilio Ferreiro co medio ambiente. “Quixera agradecer a Sogama a convocatoria destes premios e felicitar aos alumnas e alumnos da Silva e ao propio centro educativo polo seu traballo en defensa do noso medio ambiente”, asegurou o primeiro edil. Os alumnos recibiron o premio de mans do propio  presidente de Sogama, Javier Domínguez.

O proxecto dos alumnos e alumnas da Silva contaba con imaxes deles mesmos suxeitando residuos que tiñan que ser reciclados e convidando á sociedade a activar os seus sentidos a tomar conciencia da realidade e “pasar á acción para gañar a loita ao cambio climático. Baixo o lema: “Non deixes que os residuos bloqueen os teus sentidos: observa, escoita, reivinda, móvete. Segrega!”, os estudantes de Cerceda acadaron un premio moi merecido.

Sogama destacou o nivel das propostas deste ano canto a súa creatividade, orixinalidade e a mensaxe medioambiental que transmite e que logrou un impacto positivo de concienciación da poboación sobre a necesidade da reciclaxe.

Cerceda, 6  de xuño de 2022 – O Concello de Cerceda vén de licitar unha actuación de mellora de seguridade viaria que contempla o arranxo do pavimento en cinco vías municipais e un total de dous quilómetros de lonxitude. O alcalde, Juan Manuel Rodríguez, sinalou que unha das prioridades do seu goberno é dotar de maior seguridade viaria a todo o concello, tanto para peóns como para vehículos. “Seguimos investindo en seguridade viaria, seguimos conectando as nosas parroquias e seguimos mellorando a mobilidade en Cerceda”, apuntou. As obras contemplan melloras nos sistemas viarios de acceso ao Viveiro de Empresas, Francelos, Virís-Touril, Boedo á Ponte e Tilleiro a Londoño.

As obras permitirán actuar no pavimento deteriorado que presenta o sistema viario de acceso ao Viveiro de Empresas , de 200 metros de lonxitude e, por outra banda, a construción dunha beirarrúa  por unha das marxes da estrada dotando a este acceso de maior seguridade para os peóns. Na mesma liña, as obras prevén a mellora do vial en Francelos cun fresado de 600 metros cadrados e a demolición de 300 metros cadrados de pavimento, superficies sobre as cales se executará un novo firme que se completará coa substitución da barreira de seguridade existente.

Mellorarase tamén o Camiño Virís- Touril, cunha lonxitude total de 600 metros. Preténdese a mellora da superficie de rodaxe e rego de selado a toda a plataforma, previa reparación de fochancas.

Asemade, o camiño de Boedo á Ponte, cunha lonxitude de 500 metros, atópase dentro dos camiños a renovar. Renovarase o asfalto coa instalación de novas gabias para o correcto drenaxe lonxitudinal e transversal, así como como o pintado de marcas viais para sinalización horizontal.

 

E, por último, actuarase nos accesos desde Telleiro a Londoño ata túnel ferrocarril. Unha conexión viaria de 650 metros de lonxitude e catro metros de ancho cun novo rego de selado a toda a plataforma. Finalmente contémplase a apertura de gabias e limpeza de salvagabias e a colocación de 6 metros de taxea de formigón para o correcto drenaxe lonxitudinal e transversal.

 

O prazo para executar as obras unha vez estean adxudicadas é de seis meses-

 

 

 

Cerceda, 31 de mayo de 2022 – El Ayuntamiento de Cerceda comienza la reforma del interior del edificio municipal que se encuentra cerca del área recreativa de Xesteda para convertirlo en un Centro Social y Cultural, en un proyecto que pretende dinamizar la parroquia, dando servicio y actividad a su población con una instalación acorde a las necesidades demandadas por el vecindario. El objetivo del gobierno local y que el inmueble acoja actividades de todo tipo, y para todas las edades, de diversa índole como culturales, educativas, lúdicas y asociativas, ya que actualmente esta parroquia no cuenta con ningún local de estas características. Así, se actuará en el acceso cara el primero andar desde lo exterior tirando por lo bajo, así como un espacio fuera que servirá como aparcamiento. En el que se refiere el interior, se adecuarán los espacios referentes el vestíbulo de acceso, el aseo de la planta baja, el almacén de la planta baja, el vestíbulo y el aseo de la primera planta y las dos salas multiusos del primero andar. También se ejecutarán todos los acabados interiores, en tarima de madera laminada en las salas multiusos del primero andar, y en gres cerámico en los restantes espacios. Se colocarán elementos de aislamiento térmico en las fachadas. Se realizará una renovación total de la carpintería y se ejecutarán las instalaciones de fontanería, saneamiento, baja tensión y alumbrado. El alcalde, Juan Rodríguez, acudió hoy al inicio de unas obras “con las que queremos dinamizar la vida asociativa, cultural y lúdica en nuestro municipio”, apuntó.
 
  • Copiar

El gobierno local contacta con la inspección educativa territorial para mejorar la gestión de las escuelas de Cerceda, en pro de una solución el más ventajosa posible para todas las personas afectadas. Las concejales Catrina Queijo y Cristina Capellán le trasladaron las demandas de la comunidad educativa el jefe territorial, Indalecio Cabana. Tras varias conversas entre el Ayuntamiento y la Xunta de Galicia, se definirá el área de influencia de manera equitativa, quedando de la siguiente manera: el CPI O Cruce acogerá al alumnado que curse Educación Infantil y Primaria de las parroquias de Cerceda, Meirama y las Encrobas. El CEIP Plurilingüe Celso Emilio Ferreiro, paralelamente, acogerá a la chavalada de Educación Infantil y Primaria de las parroquias de Rodís, Xesteda y Queixas.  

Se dispondrá, con todo, de los mismos servicios complementarios, comedor de transporte, aunque de momento tan sólo le afectaría a las nuevas matrículas. La edila responsable de Educación, Cristina Capellán,  comenta que “estamos esperando concreciones por parte de la entidad autonómica para poder definir claramente la estrategia que seguiremos de cara un nuevo curso escolar”, comentó. 

O Concello de Cerceda vén de mellorar a seguridade viaria coa instalación de elementos de sinalizción vertical e horizontal en varios puntos do municipio. As principais actuacións leváronse a cabo no Polígono Industrial e na contorna do campo de fútbol de O Roxo, aínda que tamén se advertiu da necesidade de colocar sinaléctica noutros lugares de especial sensibilidade, a informe da Policía Local.

Así, en tanto en canto á sinalización vertical no Polígono Industrial, instaláronse dúas sinais led de STOP en aluminio; dúas unidades de sinais de “ceda o paso” e substituíronse dous pasos de peóns que se atopaban en mal estado.

No que respecta á sinalización horizontal, ca finalidade de mellorar a seguridade da circulación e advertir aos condutores de que se están aproximando a un lugar no que é aconsellable a diminución da velocidade e un incremento na atención, instaláronse oito bandas transversais resaltadas, dous “STOP” e pintáronse varios cebreados para ter maior visibilidade.

Na contorna do campo de fútbol de O Roxo, colocouse un sinal de calzada sin saída e dous “STOP”. Destas últimas, tamén se pintaron varias no chan. O alcalde, Juan Manuel Rodríguez, sinala que “son actuacións moi importantes, e temos que recalcar as actuacións no Polígono Industrial, xa que se teñen reportado varios accidentes na zona próxima o Viveiro de Empresas, e con estas intervencións incrementamos as condicións de seguridade de traballadoras, traballadores e toda as persoas que acuden a esta zona”, nunha intervención que contaba “cunha ampla demanda e á que demos resposta”, sentencia o rexedor.

Infórmase de que o servizo móbil de nova xeración sobre a banda de frecuencia de 700 MHz dos principais operadores móbiles atoparase dispoñible na nosa localidade en fechas próximas.

A tecnoloxía prestada sobre a banda de frecuencia de 700 MHz, anteriormente utilizada pola Televisión Dixital Terrestre (TDT), permite ofrecer unha mellor cobertura en interiores y maior extensión da cobertura.

Esta rede chega para mejorar a velocidade de conexión a internet, servizos de televisión, vídeo e música baixo demanda, así como outros novos servizos.

A prestación dos servizos móbiles nesta banda pode afectar á recepción da sinal de TDT polo que se pon a disposición un teléfono de atención gratuíto para solucionar posibles afectacións, e de este xeito restablecer o servizo TDT de verse afectado.

A estes efectos, informamos que o número de atención gratuíto é o seguinte:

900 833 999

Unha vez iniciada a prestación do servizo mencionado, neste número de teléfono atenderase calquera solicitude de solución de afectación que presenten os veciños, sendo atendidas inmediatamente e ca máxima celeridade.
Trala notificación de afectación, un técnico cualificado desprazarase donde se teña detectado a afectación e procederá a realizar as labouras de acondicionamento necesarias para salientala.

Todo iso sen custo algún para os veciños.

A corporación municipal reuniuse onte para debater en Pleno as intervencións que se realizarán con cargo do Plan Único da Deputación da Coruña para este 2022. 

Aprobouse cos votos favorables dos representantes do goberno local e Partido Popular, e abstención do BNG, adicar 483.686,50 euros a intervencións infraestruturais no municipio como o sistema de depuración na Silva e as melloras no acceso a Carballal, Carril e A Fonte; o saneamento en Longo, Meirama; a instalación de tubaxes de saneamento e abastecemento en Pao do Lobo e os accesos a A Capilla, A Pociña e O Calvario; a ampliación e mellora do vial en Sobredafonte; a realización da pista entre A Brea e o encoro e a mellora da seguridade viaria nas Encrobas. 

Tamén se levará a cabo a construción dunha senda peonil no Piñeiro ata o campo de fútbol de O Roxo. O alcalde, Juan Manuel Rodríguez, destaca a relevancia “dos investimentos para dar solucións e servizos moi necesarios nos lugares nos que se levarán a cabo”.

 

Reforzo do Servizo de Axuda no Fogar

 No referente á aportación da entidade provincial respecto a gasto social, o Concello de Cerceda recibirá 73.053,75 euros, e destinará 66.184,17 euros o reforzo do Servizo de Axuda no Fogar.

Página 8 de 25