RESOLUCIÓN DEFINITIVA DA CONVOCATORIA DE AXUDAS MUNICIPAIS PARA A ESCOLARIZACIÓN CURSO 2026/2027 EXP: 2026/G003/000797
Visto o expediente 2025/A011/000002 tramitado neste Concello para a concesión das axudas municipais para a escolarización para o curso 2026/2027.
Considerando que a competencia para a resolución desta convocatoria atópase delegada na Xunta de Goberno Local.
Considerando a necesidade e urxencia de resolver o presente procedemento para proceder á publicación e xestión das axudas no menor tempo posible, de conformidade co establecido no artigo 10 da Lei 40/2015, do 1 de outubro, de Réxime Xurídico do Sector Público, estímase procedente advocar a dita competencia a favor desta Alcaldía .../...
>>> Ver documento completo decreto resolución (pdf, 106Kb)
XUSTIFICACIÓN DAS AXUDAS
O prazo para a presentación da documentación xustificativa do gasto subvencionable finalizará o 15 de outubro de 2026. A documentación remitirase preferentemente a través da Sede Electrónica do Concello de Cerceda (https://sede.cerceda.es/sxc/gl/), ou ben mediante a súa presentación no Rexistro Xeral do Concello ou calquera das canles previstas no artigo 16.4 da Lei 39/2015, do 1 de outubro.
A xustificación da axuda instrumentarase mediante a achega dos seguintes documentos:
- Solicitude de xustificación debidamente cumprimentada conforme ao modelo recollido no Anexo III
- Facturas acreditativas dos gastos realizados para o curso académico 2026/2027, as cales deberán estar datadas a partir do 1 de xuño de 2026.
As facturas deberán reunir os requisitos establecidos no Regulamento de facturación vixente e, especificamente:
Identificación completa da entidade emisora (Nome, razón social e NIF/CIF)
Desagregación do IVE ou imposto correspondente
Nome e NIF do beneficiario da axuda ou solicitante.
Relación pormenorizada de artigos, especificando o prezo unitario de cada concepto.
Número de factura, data, lugar de emisión e denominación expresa de “factura”, non sendo válidos os simples tiques de compra
Deberase acreditar de xeito efectivo o aboamento da factura mediante a achega de xustificantes de pago en efectivo ou por medios bancarios.
No caso de xustificación de material escolar e libros de texto, a factura deberá especificar expresamente “Xustificación de axudas a escolarización do Concello de Cerceda para o curso 2026/2027”. Aquelas facturas que non o expresen, non serán tidas en conta aos efectos de xustificación.
>>> Anexo III. Presentación xustificación (pfd,119kb)
