Noticias

O Ministerio para la Transición Ecológica y el Reto Demográfico (MITECO), por medio do Instituto para la Transición Justa (ITJ) lanza o concurso do nó de transición xusta de Meirama o concurso do nó de transición xusta de Meirama 220kV, en Cerceda. 

Este procedemento, que suma ata 408 MW de capacidade, priorizará os proxectos que minimicen a afección ambiental e maximicen os beneficios socioeconómicos locais. Deste modo, preténdese promover que a instalación de enerxías renovables impulse proxectos industriais, agrarios ou sociais adicionais que contribúan a mitigar o impacto do peche da central térmica. 

O concurso busca beneficiar a zona de transición xusta de Meirama, composta por cinco municipios: Carral, Cerceda, A Laracha, Ordes e Tordoia. O alcalde de Cerceda, Juan Manuel Rodríguez, valora isto como “un paso importante de cara a converter en realidade os proxectos económicos do territorio”. 

Ademais, sinala que “é un proceso que debe facer fincapé en factores como os beneficios socioeconómicos, sostibilidade, autoconsumo para os cidadáns e empresas da zona, xeración de emprego, plans de formación...”, e recalca que “esa pegada positiva para o interese público representa para nós unha razón de ser e estar”. 

Beneficios para as zonas de transición xusta

Entre os criterios para a adxudicación do concurso, ademais de priorizar aqueles proxectos que minimicen a afección ambiental investindo en actuacións de economía circular ou de mellora da biodiversidade, valoraranse os beneficios socioeconómicos para o territorio: fomento do emprego, especialmente para traballadores excedentes da central e mulleres; o apoio a proxectos industriais, agrarios ou sociais locais; a formación para residentes da zona; o desenvolvemento de autoconsumo; os investimentos na cadea de valor principal e a participación de investimentos locais. O prazo para a recepción de solicitudes será de dous meses a partir do día 2 de febreiro. 

O Concello de Cerceda certificou esta mañá unha serie de obras realizadas no termo municipal e que serviron de mellora e ampliación das conexións inter parroquiais. 

Esta mañá o alcalde, Juan Manuel Rodríguez, e o concelleiro de Obras, Francisco Boquete, supervisaron os resultados finais da ampliación da senda na contorna do Museo da Minería; a mellora dun camiño en Trigueira; outro en Aroxeira; a adecuación da pista que une Carballás e Sandiáns; a optimización das beirarrúas na Silva e na rúa Laracha e a creación das beirarrúas que dan aceso á parte traseira do CEIP Celso Emilio Ferreiro da Silva.

En total, licitáranse cun orzamento aproximado de 162.000 euros. 

Servizo de información por WhatsApp

O Concello da Cerceda ten en funcionamento unha canle de comunicación mediante a aplicación WhatsApp co obxectivo de ofrecer á cidadanía información directa sobre eventos e noticias de interese e de carácter municipal.

PROCEDEMENTO DE ALTA E BAIXA

Para darte de alta e recibir as mensaxes do Concello da Cerceda no teu WhatsApp, segue as seguintes instrucións:

1. Agrega ao Concello de Cerceda como contacto. Podes facelo gardando na túa axenda o teléfono 609431078, facendo click nesta ligazónou escaneando este código QR:

https://chat.whatsapp.com/BweS7wBUeteLKJT6J6Vtox

     2. Para darte de baixa, envía unha mensaxe co texto BAIXA ao 609431078 ou sal do grupo e deixarás de recibir a información.

NORMAS DE USO

Trátase dun servizo de comunicación unidireccional, polo que as persoas usuarias non poderán enviar mensaxes de resposta nin realizar consultas a través dese número de WhatsApp.

Ao darse de alta no servizo acéptanse as condicións e normas de uso expostas. O incumprimento das normas suporá a baixa automática por parte do administrador.

Para contactar co Concello da Cerceda deben utilizarse os medios habilitados vía web (cerceda.org), teléfono (981685001) ou presencialmente na Casa Consitorial.

INFORMACIÓN DE PROTECCIÓN DE DATOS

Consulte a normativa vixente de Protección de Datos persoais. Informámoslle de que o Responsable de Tratamento e o Concello da Cerceda con NIF: P1504200E e domicilio en Avd. Meson 21, 15185, Cerceda (A Coruña).

A finalidade do tratamento e remitir e informar aos interesados das iniciativas, acontecementos, programacións da axenda municipal e da información que poida ser de interese. A base xurídica de lexitimación para o tratamento dos datos persoais radica no consentimento explícito manifestado ao darse de alta no servizo así como o cumprimento dunha misión de interese público.

Os datos serán conservados mentres a persoa usuaria non solicite a baixa no sistema de comunicacións. Con todo, os datos poderán ser conservados, no seu caso, con fins de arquivo de interese público, fins de investigación científica e histórica ou fins estatísticos. Os datos non serán cedidos ou comunicados a terceiros, salvo nos supostos previstos na Lei. Con todo, os datos poderían ser obxecto de cesión ou comunicación aos operadores de telefonía móbil ou outros servizos técnicos a fin de prestar o soporte necesario para o envío da información. Poderanse realizar transferencias internacionais de datos dado que WhatsApp é unha empresa con sede nos EE.UU.

As persoas usuarias do servizo poderán exercitar os dereitos de acceso, rectificación, supresión, limitación ou oposición, presentando un escrito no rexistro do Concello de Cerceda ou mediante correo electrónico no enderezo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. achegando fotocopia do DNI ou equivalente que permita a súa identificación. No caso de que actuase mediante representante, legal ou voluntario, deberá achegar, tamén, documento que acredite a representación e o documento de identificación do mesmo. Ademais, lembrámoslle de que pode dirixirse ao organismo de control (AEPD en España) para obter información adicional ou presentar unha reclamación.

Nenos e nenas empadroados nun concello da provincia da Coruña, de 11 a 15 anos inclusive cumpridos a 31 de decembro de 2024. Terán preferencia a rapazada que non participase en ningunha Campaña de Neve da Deputación.

Inclúe o transporte, estadía e manutención na estación invernal de Valgrande-Pajares (Asturias), monitores, clases de esquí, seguros, alugamento de material, remontes mecánicos e todo o gasto que ocasionen as actividades e cursos programados.

Ver ou descargar información e formulario

As operadoras de telefonía móbil, anunciaron que nas próximas semanas levarán a cabo o proceso de implantación de servizos de telefonía móbil de nova xeración, 4G e 5G, nas bandas de 800 e 700 MHz en Cerceda, o que permitirá dispor de conexións móbiles de alta velocidade con mellor cobertura no interior dos edificios e maior extensión xeográfica.

Para garantir a compatibilidade da nova tecnoloxía coa televisión dixital terrestre (TDT), LLega700 é a entidade posta en marcha polas operadoras para solucionar calquera afectación na recepción do sinal de televisión.

O proceso de implantación estase realizando de xeito paulatino por toda a xeografía nacional. Para consultar as localidades nas que xa están activos estes servizos, pódese consultar a seguinte ligazón: https://www.llega700.es/contacto_mapa.php

Teléfono gratuito de atención ó cidadán: 900 833 999

www.llega700.es

Ver ou descargar documento informativo completo (pdf)