A aposta por I+D+i é un factor que determinará o futuro máis próximo. Todas aquelas empresas que actúen neste ámbito veranse recompensadas. Mais o desenvolvemento deste tipo de iniciativas tecnolóxicas pasa por unha xestión profesionalizada en emprazamentos determinados. Neste contexto nace o Centro de Desenvolvemento Tecnolóxico de Cerceda.
O Centro de Desenvolvemento Tecnolóxico ten a finalidade de optimizar a capacidade de innovación das empresas a través da investigación, para potenciar a súa competitividade en mercados nacionais e internacionais.
O Concello de Cerceda pon este proxecto e este edificio á disposición do empresariado cercedense, atribuíndolle como dedicación principal a investigación sobre o medio e a sustantibilidade a través do tratamento da reciclaxe. Ao mesmo tempo, tamén aloxará a futura sede da Asociación de Empresarios de Cerceda.
O edificio do CDT foi deseñado tendo en conta criterios ambientais, de sustentabilidade e de eficacia enerxética e supón unha aposta clara deste concello polo futuro tecnolóxico.
