O Concello de Cerceda pon á disposición de todas aquelas persoas emprendedoras que desexen poñer en marcha un negocio, empresa ou actividade os medios e recursos precisos para iniciar estes novos proxectos empresariais.
Dende este servizo tamén se lle presta asesoramento e apoio ás empresas e persoas autónomas que xa teñan o seu negocio en funcionamento.
- Día: Mércores
- Horario: de 9.00 a 13.30
- Lugar: Viveiro de Empresas Municipal (Rúa Innovación, s/n, Polígono Industrial do Acevedo)
- Contacto: 881 864 425
O Concello ofrecelles a todos os cidadáns e cidadás que teñan un proxecto empresarial ou un negocio xa consolidado, a orientación necesaria para tramitar a documentación que precisen, e o que é máis importante, a colaboración na procura de aquelas axudas que permitan financiar os seus proxectos.
Neste servizo poderás coñecer algunhas destas iniciativas e axudas e informarte daqueles programas e recursos que se están a desenvolver co obxectivo de impulsar os nosos sectores produtivos.
