O Concello de Cerceda oferta o servizo de información as mulleres no noso concello por medio dos servizos sociais comunitarios de base.
CASA DO CONCELLO
Avda. do Mesón, 21. 3º andar
Teléfono: 981 686 068
A través deste servizo, ofrécese información e orientación garantindo en todo momento os principios de confidencialidade, anonimato e privacidade.
Os obxectivos son:
- Proporcionar información, orientación e asesoramento en materia de muller a todo o colectivo feminino do concello
- Ofertar asesoramento en temática de dereito de familia, violacións, abusos sexuais e malos tratos
- Derivación a recursos específicos, cando sexa preciso.
- Crear espazos propios para as mulleres ao potenciar as actividades de lecer e tempo libre
- Promover a creación de asociacións e colectivos impulsados e dirixidos por mulleres
Deste xeito, as persoas que se acerquen aos servizos comunitarios de base de Cerceda poderán recibir diferentes tipos de información e asesoramento:
- Xurídico: dereito de familia (separacións, divorcios, custodias); dereito penal (denuncias, malos tratos, lesións...); xustiza gratuíta, dereito civil, administrativo, laboral...
- Psicolóxico: apoio e atención psicolóxica personalizada; orientación e intervención en casos individuais (ansiedade, depresión, problemas de conduta...)
- En materia de violencia de xénero: atención e asesoramento en casos de malos tratos, informacións sobre pasos para realizar (denuncia, orde de protección, orde de afastamento, afastamento alternativo...)
